24.01.2024

türkiye awazi radiyosi: «xeber türk géziti», tashqi ishlar ministiri xaqan fidanning b d t xewpsizlik kéngishide ötküzülgen ghezze yighinida, «ghezze we uning sirtida dawamlishiwatqan urush, tinchliq élp kélelmeydu. bu urushni toxtitish üchün tarixiy mesuliyitimiz bar» dégenlikini xewer qildi.

«hörriyet géziti», shiwétsiyening natogha eza bolushigha munasiwetlik teklipning türkiye büyük millet mejlisi (parlaménti) de qobul qilinghanliqini xewer qildi.

xewerde, 287 parlamént ezasining teklipni qollap awaz tashlighanliqi, 55 parlamént ezasining ret qilghanliqi we töt parlamént ezasining awaz bérish hoquqidin waz kechkenliki bildürüldi.

«sabah géziti», istixbarat idarisining bashliqi ibrahim qalinning tünügün (23-yanwar) iraq pirézidénti abdullatif reshid we bash ministir muhemmed shiya essudani bilen ayrim-ayrim körüshkenlikini xewer qildi.

xewerde, körüshüshlerde térrorluq teshkilati p k k  we daéshqa qarshi küreshte bésishqa tégishlik ortaq qedemler, shundaqla bu mesilidiki özara hemkarliqlarni dawamlashturush ishlirining muzakire qilnghanliqi qeyt qilindi.

«star géziti», rusiye krémil sariyi bayanatchisi péskowning pirézidént putinning türkiyeni ziyaret qilish teyyarliqlirining dawamlishiwatqanliqini bildürüp: «rusiye bilen türkiye otturisidiki yuqiri derijilik uchrishishlar élip bériliwatidu» dégenlikini xewer qildi.

«weten géziti», énérgye we tebiiy bayliqlar ministiri alparslan bayraktarning tünügün ereb birleshme xelipilikining sélinma ministiri muhemmed hesen essuweydi bilen körüshüp, énérgiye saheside hemkarliq ornitishqa munasiwetlik pilan-layiheler üstide muzakire ötküzgenlikini xewer qildi.