19.01.2024

türkiye awazi radiyosi xewiri: «star» géziti: SpaceX ning türkiyening tunji alem uchquchisi alper gezerawjimu olturghan alem kémisining floridadiki kénnidi alem boshluqi merkizidin muweppeqiyetlik qoyup bérilgenlikini, gezerawjining alem sayahitining muweppeqiyetlik bashlighanliqini xewer qildi.

«weten» géziti: türkiye jumhuriyiti sanaet we téxnika ministiri mehmet fatih qachirning, «biz kelgüside milliy ichidiki alem kémimiz bilen uchquchisiz ay sepirinimu ishqa ashurimiz, milliy rakéta sistémimiz bilen alem boshluqigha kirish iqtidarimizni ashurup, özimizning alem kémisi portimizni qurimiz» dégen sözlirini oqurmenlirining diqqitige sundi.

«hürriyet» géziti: jumhur reis erdoghanning türkiyening térrorluqqa qarshi turush kürishide hergizmu bel qoyuwetmeydighanliqini tekitlep: «biriliri her xil isimlarni qoyup qollighan, ezalirini terbiyelep qorallandurghan bölgünchi teshkilatqa chégramizda <térroristan> qurghuzmaqchi bolushti. chégra halqighan herbiy heriketlirimiz arqiliq bu pilanni buzghanliqimiz üchün, dölitimizge bedel töletküzüshke urunushti. ular bizni hergizmu arqigha chékindürelmeydu, yolimizdin qaytalmaydu» dégenlikini xewer qildi.

«yéngi shepeq» géziti: türkiye jumhuriyiti tashqi ishlar ministiri xaqan fidanning, israiliyening pelestinge qaratqan hujumlirini bixeterlikni bahane qilip qanunlashturushqa urunushining hergiz qobul qilinmaydighanliqini bayan qilip: «bixeterliki tehditke uchrawatqini israiliye emes, eksiche, pelestinlikler we rayondiki döletlerdur» dégenlikini yazdi.

«sabah» géziti: türkiye jumhuriyiti tashqi ishlar ministirliqining iranning iraq we pakistan zéminlirigha qaratqan hujumliri netijiside ewjige chiqqan jiddiychiliktin endishe qiliwatqanliqini bildürüp, dost we qérindash üch döletni özini bésiwélip, soghuqqanliq bilen heriket qilishqa chaqirghanliqini xewer qildi.