09.01.2024

türkiye awazi radiyosi: «star géziti», qizil déngizda 4-3 heptidin buyan dawamlishiwatqan paraxot qatnishi sewebidin, yawropaning türkiyedin mal ékisport qilishni bashlighanliqini xewer qildi.

xewerde, soda ministiri ömer bolatning, «ikki künde türkiyedin qatnash-tiransiport artuqchiliqimiz sayisida tawarlirimizni yawropa bazarlirigha yetküzeleymiz» dégenliki qeyt qilindi.

«star géziti», soda ministiri ömer bolatning türkiye iqtisadining 2023-yilning deslepki toqquz éyida %4.7 ashqanliqini éytqanliqini xewer qildi.

xewerde, 2023-yili dunya sodisi %5 chékingen ehwal astida, türkiye ékisportining 255 milyard 800 milyon dollargha yetkenliki, 2023-yilning deslepki toqquz éyida türkiye iqtisadining %4.7 ashqanliqi qeyt qilindi.

«sabah géziti», türkiye hawa yollirining 2023-yilda 83.4 milyon yoluchi toshup, tarixidiki eng yuqiri yoluchi toshush rékorti yaratqanliqini xewer qildi.

«xeber türk géziti», énérgiye we tebiiy bayliqlar ministiri alarslan bayraktarning énérgiye téjeshke 2030-yilghiche 20 milyard dollarliq meblegh sélinidighanliqini éytqanliqini xewer qildi.

xewerde, ministir bayraktarning, «bu sélinmilar sayisida 2040-yilghiche 46 milyard dollar téjep qilinidu» dégenliki bildürüldi.

«yéngi shepeq géziti», türkiye merkiziy bankasining bashliqi hafize gaye erkanning 11-yanwar (2023) niyu yorkta mebleghliri 50 tiriliyon dolalrgha yétidighan eng chong meblegh fondlirining 200 din artuq yuqiri derijilik bashqurghuchiliri bilen körüshidighanliqini xewer qildi.