29.12.2023

türkiye awazi radiyosi xewiri: «sabah» géziti: jumhur reis rejep tayyip erdoghanning mehelle bashliqliri yighinida söz qilip: «biz térrorchilarni öz öngkürliride, öz uwilirida yoqitiwatimiz» dep, 59 térrorchining bir terep qilinghanliqini élan qilghanliqini xewer qildi.

xewerde körsitilishiche, erdoghan milliy mewjutluq mesilisining ehmiyitini tekitlep: «milliy mewjutluqimizning asasi bolghan bir millet, bir bayraq, bir weten, bir dölet pirinsipini yaqlash bizning qizil siziqimizdur» dégen.

«yéngi shepeq» géziti: türkiye jumhuriyiti dölet mudapie ministirliqi menbelirining bayanat bérip: «(türkiye) armiyemizning p k k/ k j k / p y d – y p g we fetö qatarliq térrorluq teshkilatlirining her xil tehdit we xewplirige qarshi üzlüksiz we qetiy kürishi dawam qilmaqta. <kirgili, barghili bolmaydu> déyiliwatqan jaylar hazir kontrolluq astida» dégenlikini oqurmenlirining diqqitige sundi.

«xabertürk» géziti: jumhur reis erdoghanning türkiye awiyatsiye we alem boshluqi sanaiti pay cheklik shirkiti — tusash teripidin tereqqiy qildurulghan uchquchisiz hawa apparati — «anqa 3» ning tunji uchushini muweppeqiyetlik tamamlighanliqini élan qilghanliqini yazdi.

«star» géziti: jumhur reis (erdoghanning) tashqi siyaset we bixeterlik ishliri bash meslihetchisi, bash elchi akif chaghatay qilichning, amérika kéngesh palatasining F-16 tipliq küreshchi ayropilanlargha alaqidar xizmetlirini kücheytkenlikige isharet qilip: «chüshinish hasil qilalmighan nuqtilirimiz azaydi» dégenlikini xewer qildi.

«hürriyet» géziti: adalet we tereqqiyat partiyesi bayanatchisi ömer chelikning israiliyening ghezzediki hujumlirigha naraziliq bildürüp: «puqralarni ayrip olturmastin tarixning eng rehimsiz hujumlirini qiliwatqan israiliye bash ministiri nétanyahuning jumhur reisimizge qarshi dégen sözlirining qimmiti yoq. nétanyahu nepret bilen xatirilinidu we haman bir küni qanunning jawabkarliqigha tartilidu» dégenlikini yazdi.