18.12.2023

türkiye awazi radiyosi xewiri: «yéngi shepeq» géziti: türkiye jumhuriyiti tashqi ishlar ministiri xaqan fidanning amérikaliq mensepdishi antoniy blinkén bilen téléfonliship, amérikaning nopuzini ishqa sélish arqiliq israiliyening ghezzege qaratqan hujumlirini toxtitishi kéreklikini eskertkenlikini xewer qildi.

«sabah» géziti: türkiye jumhuriyiti sehiye ministiri fahrettin kojaning bayanat bérip: «biz téxnika yötkesh arqiliq baliliq mezgili immunitétlash pirogrammisi dairisidiki ghaljirliq, <a> tipliq jiger yallughi we su chéchiki waksinisi qatarliq üch xil waksinini türkiyede ishlepchiqirimiz. 2028-yili barliq waksinilar türkiyede ishlepchiqirilidu» dégenlikini oqurmenlirining diqqitige sundi.

«xabertürk» géziti: türkiye yéza igilik bashqarmiliri birleshmisi reisi shemsi bayraqtarning <türkiyening 19 xil déhqanchiliq mehsulatini ishlepchiqirishta dunyada aldinqi töt döletning birige aylanghanliqi>ni bayan qilip: «dölitimiz dunyada köktat, méwe qatarliq nurghun déhqanchiliq mehsulatliri jehette hem dunyada birinchi orunda turmaqta hemde mehsulat köp xilliqi jehette aldinqi alahide közge körünmekte» dégenlikini xewer qildi.

«hürriyet» géziti: istanbul dunyaning her qaysi jayliridiki xarri pottér mestanilirini bir yerge jem qilghan «séhirgerler dunyasi» dukinining tötinchisining istanbulda échilidighanliqini yazdi.

gézitning xewiride körsitilishiche, cheklik sandiki «séhirgerler dunyasi» namliq dukanlar london, niyuyork we tokyodin kéyin istanbulda échilghan.

«star» géziti: xelqara walibol birleshmisining xitayda ötküzülgen ayallar lewhe talishish musabiqisi türkiye komandisining hel qilghuch musabiqisige shahit bolghanliqini؛ musabiqide, ejzajibashi komandisining waqifbank komandisini 2 ge qarshi 3 nomur bilen yéngip, chémpiyon bolghanliqini yazdi.