13.12.2022
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹sitar› géziti»: albaniye bash ministiri édi ramaning «bayraqtar TB2» namliq qoralliq uchquchisiz hawa apparatlirining pat yéqinda albaniye armiyesining qoral – yaraghlirigha seplep bérilidighanliqini éytqanliqini yazdi.
«‹xewer türk› géziti»: aqquyu yadro éléktir shirkitining, yadro ishlirini yadro nazaret qilip bashqurush orginidin yadro éléktir istansisining tunji réaktorini ishqa kirishtürüsh üchün ijazetname alghanliqini xewer qildi.
gézitning xewiride körsitilishiche, aqquyu yadro éléktir shirkiti bu ijazetnamege asasen, aqquyu yadro éléktir istansisining bixeter meshghulat qilishning asasi bolghan meshghulat élip bérishqa bashlash , tengshesh we meshghulat jeryanlirini ishqa kirishtürüsh basquchigha qedem qoyidiken.
«‹hörriyet› géziti»: türkiye qatnash we ul eslihe ministiri abdulqadir uraloghluning türkiyege kelgen sayahet paraxotliri heqqide qilghan munu sözlirini neqil keltürdi: «portlirimizgha kelgen chet el sayahet paraxotlirining sani bulturqining oxshash mezgildikige sélishturghanda % 19.4 éship, 1167 ge yetti, sayahet paraxotliri bilen kelgen yoluchilarning sani aldinqi yilning oxshash mezgildikige sélishturghanda % 51.6 éship, 1 milyon 517 ming 933 ke yetti. shuning bilen, noyabirda sayahet paraxotliri bilen kelgen yoluchilarning sani esli nishandikidinmu éship ketti.»
«‹yéngi shepeq› géziti»: türkiye maarip ministiri yüsüp tékinning, 2022-yilliq xelqaraliq oqughuchilarni bahalash pirogrammisi (PISA) ning netijiliri heqqide qilghan munu sözlirini oqurmenlirining diqqitige sundi: «türkiye matématika, tebiiy penler we oqush mahariti ölchengen her üch sahede ret tertipini östürdi, türkiyening bu üch sahediki sewiyesi barliq döletlerdiki otturiche sewiyedinmu yuqiri boldi.»
«‹sabah› géziti»: istanbul ayrodurumining xelqara ayrodurumlar kéngishi yawropa shöbisi teripidin, «ayrodurumlarning karbon qoyup bérish ölchimi» guwahnamisi pirogrammisi dairiside, kilimat krizisigha qarshi küreshte, «2050 - yilliq sap nöl qoyup bérish wedisi» ge emel qilish xizmiti bilen 4-derijilik ayrodurum bolup tallanghanliqini oqurmenlirining diqqitige sundi.
