18.10.2023
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹xewer türk› géziti», «jumhur reis erdoghan <bu wehshiylikni toxtitish üchün pütkül insaniyet dunyasi derhal heriketke ötüshi kérek> dédi» serlewhilik xewiride, töwendiki uchurlarni oqurmenlirining diqqitige sundi:
dölitimiz (türkiye jumhuriyiti) jumhur reisi rejep tayyip erdoghan israiliyening doxturxanigha qilghan hujumi toghriliq élan qilghan bayanatida, mundaq dédi: «ayallar, balilar we bigunah puqralarmu bar bolghan doxturxanigha hujum qilishi, israiliyening eng asasliq insaniy qimmet qarishigha ige ikenlikini körsitidu. ghezzede yüz bériwatqan we tarixta misli körülüp baqmighan bu wehshiylikni toxtitish üchün, pütkül insaniyet dunyasini derhal heriketke ötüshke chaqirimen.»
«‹sabah› géziti», dölitimiz (türkiye jumhuriyiti) tashqi ishlar ministiri xaqan fidanning, israiliyening hujumlirigha qattiq naraziliq bildürüp qilghan munu sözlirini neqil keltürdi: «eger siz birawning zéminini ishghal qiliwatqan bolisingiz, bu zéminning igilirining öylirini tartiwéliwatqan bolsingiz, ularni öyliridin qoghlawatqan bolsingiz, bashqilarni ekeldürüp ularning öylirige orunlashturuwatqan bolsingiz, bu öylerge orunlashturulghanlarni <köchmen> dep atisingiz, bu oghriliq dep atilidu.»
«‹sitar› géziti», adalet we tereqqiyat partiyesi bayanatchisi ömer chelikning, israiliyening ghezzege qozghighusi quruqluq herikitining insaniyet üchün minglighan bigunah balilar we ayallarning ölüp kétishi bilen netijilinidighan balayiapet hem shermendilikke seweb bolidighanliqini éytqanliqini yazdi.
«‹hörriyet› géziti», türkiye döletlik suz üzüsh ayal mahiri shahika erjümenning türkiye jumhuriyiti qurulghanliqining 100 – yilliqini tebriklesh munasiwiti bilen xatayda ötküzülgen su üzüsh musabiqisining shungghush türide 106 métirliq chongquluqqa shungghighanliqini xewer qildi.
gézitning xewiride eskertilishiche, shahika erjümen bu netijisi bilen léna baltaning 105 métirliq dunya rékortini buzup tashlighan.
«‹yéngi shepeq› géziti», dunyagha dangliq xelqara awiyatsiyesi shirketliri we xojayinlirining istanbul ayrodurumi sahibxanliq qilghan liniyeler yighinida bir yerge jem bolghanliqini oqurmenliri bilen ortaqlashti.
gézitning xewiride tekitlinishiche, 600 etrapida ayrodurum shirketliri we 1200 din artuq kishi qatnashqan yighinda, hemkarliq pursetliri toghrisida muzakire élip bérilghan.
