12.05.2021

«‹weten› géziti», «chawushoghlu: <birleshken döletler teshkilatini pewquladde yighingha chaqirduq» serlewhilik xewiride, munu uchurlargha orun ajratti:

tashqi ishlar ministiri mewlut chawushoghlu israiliyening mesjidi eqsa we ghezzege qaratqan hujumliri toghrisida ilgirimu b d t omumiy kéngishini jiddiy yighingha chaqirghanliqini bildürdi. chawushoghlu: «biz hemishe mushundaq eyibleymiz, emma ümmet emeliy qedem tashlishimizni kütmekte. buningdin kéyin bu xil hujumlar toxtitishi lazim. xelqara qanun dairiside pelestinliklerning heq -hoquqini qoghdishimiz lazim. ikki döletlik hel qilish tesewwuridin hergiz waz kechmeslikimiz lazim» dédi.

«‹sabah› géziti»,  «pelestindin türkiyege rexmet» serlewhilik xewiride, munu uchurlargha orun ajratti:

pelestinning enqerede turushluq bash elchisi dr. feid mustafa jumhur reis rejep tayyip erdoghan we türkiye xelqining israiliyening zulumlirigha qarshi her waqit meydanini éniq namayan qilip kelgenlikini bildürdi. dr. feid mustafa türkiyening ezeldin pelestin xelqining ümidi bolup kelgenlikini tekitlep, « quddus shehirini we mesjidi eqsani qollap quwwetlesh üchün kochilargha chiqqan türkiye xelqige shundaqla jumhur reis rejep tayyip erdoghangha qérindashlarche mewqesini mehkem saqlap kelgenliki üchün pelestin dölitige wakaliten salamlirimizni we minnetdarliqimizni sunimiz» dédi.

«‹xewer türk› géziti», «instagramning israiliye cheklimisige naraziliq bildürüldi» serlewhilik xewiride, munu uchurlargha orun ajratti:

adalet we tereqqiyat partiyesi bayanatchisi ömer chelik instagramning baykar téxnika shirkiti dériktori sélchuq bayraqtarning mesjidi eqsadiki ot apitini tebriklewatqan yehudiylarning süretlirini hembehirlishini chekligenliki üstide toxtilip, «nepretni étiqadqa aylanduriwalghanlar, ibadetxana köyüwatqanda tebrikleydu, ijtimaiy taratqular bu nepretke qarshi küresh qilghanlarni chekleydu. esli nepret mana bu cheklimidur. nepretke qarshi küreshlirimiz dawamlishidu» dédi.

«‹yéngi shepeq› géziti», «<TRT Word> muxbirining aqsaray bayanatchisini bulunggha qistighan soali» serlewhilik xewiride, munu uchurlargha orun ajratti:

amérika tashqi ishlar ministirliqining bayanatchisi néd prays «<TRT Word> ning aqsaray muxbiri yunus paksoyning «pelestin» heqqidiki soaligha zadi néme déyishini bilelmeyla qaldi.  bir mezgil jümlisini qurushtimu qéynalghan néd prays nurghunlighan puqralarning ölümige seweb bolghan israiliye hujumlirini biwasite eyibleshtin özini qachurdi.

«‹höriyet› géziti», «beshtepedin kelgen 5 muhim uchur» serlewhilik xewiride, munu uchurlargha orun ajratti:

jumhur reislik bayanatchisi ibrahim kalin hurriyet gézitige bergen bayanatida, töwendiki uchurlarni yetküzdi:

amérikagha F-35 küreshchi ayropilan teklipimizni  yéngilaymiz. biz rusiyedin sétiwalghan hawa mudapie sistémisi S-400 mesilisini muzakire arqiliq hel qilalaymiz. liwiyediki (déngiz teweliki we herbiy) kélishimlerde ching turimiz. dunya israiliyening zulmigha «toxta!» déyishi kérek. süriyede beshshar esed bilen körüshüshimiz mumkin emes. yawropa ittipaqigha ezaliq mesiliside, top pütünley ularning meydanida.