01.04.2021
bügünki türkiye gézitliride asasiy salmaqni igiligen xewerlirimiz töwendikiche:
«‹höriyet› géziti», «erdoghan: <roza héyttin kéyin shushani ziyaret qilimen> dédi» serlewhilik xewiride, munu uchurlargha orun ajratti:
jumhur reis rejep tayyip erdoghan türk kéngishining dölet bashliqliri yighinida qilghan sözide, «qarabaghda türk yadikarliqlirini qoghdash üchün barliq imkaniyetlirimiz bilen ezerbeyjanning yénida turushni dawamlashturishimiz intayin muhim. roza héyttin kéyin baldurraq shushani ziyaret qilip, yéngi bir bayram oynashni ümid qilimiz» dédi.
«‹sabah› géziti», «türkiye amérikigha qattiq naraziliq bildürdi» serlewhilik xewiride, munu uchurlargha orun ajratti:
türkiye tashqi ishlar ministirliqi amérikaning kishilik hoquq doklatidiki setchilikke qattiq naraziliq bildürdi. bayanatta, «démokratiyemizge qest qilghan, yüzligen puqralirimizni shéhit qilghan, 15-iyuldiki siyasiy özgirishke urunush jiyanitini sadir qilghan fethullahchi térrorluq teshkilatining bu yilmu doklatta <gülen herikiti> dep tilgha élinishi, amérikaning bu térorluq teshkilatigha qarshi heqqaniy kürishimizni téxiche chüshinielmigenlikini, bu térrorluq teshkilatigha alaqidar biz otturigha qoyghan konkért delil – pakitlarni körmeske séliwatqanliqini we doklatni teyyarlighanda yene shu melum kishilerning suyiistémal obékti bolghanliqini namayan qilmaqta» déyildi.
«‹star› géziti» «ministir warank yerlik waksina heqqide bayanat élan qildi» serlewhilik xewiride, munu uchurlargha orun ajratti:
sanaet we téxnika ministiri mustafa warank yéngi yerlik waksina tetqiqati üstide toxtilip, «eger barliq basquchlar muweppeqiyetlik tamamlansa, yil axirida 50 milyon ishlepchiqirish imkaniyitige ige waksina kandidatimiz bolidu» dédi.
«‹xewer türk› géziti», «fatih burghilash paraxoti türkali 2- quduqida 3950 métir chongqurluqqa yetti» serlewhilik xewiride, munu uchurlargha orun ajratti:
fatih burghilash paraxoti sakariya tebiiy gaz sahesidiki ikkinchi chongqur bayqash quduqi bolghan türkali 2 - qudiqida 3950 métir chongqurluqqa yétip bérip, xizmitini muweppeqiyetlik tamamlighanliqi bildürdi.
«‹yéngi shepeq› géziti», «türkiye awiatsiye shirkitidin yoluchilargha heqsiz mulazimet» serlewhilik xewiride, munu uchurlargha orun ajratti:
türkiye awiatsiye shirkiti yoluchilarning «PressReader» epi arqiliq oxshimighan döletlerde élan qilinghan her xil gézit-zhurnallarni heqsiz köreleydighanliqini élan qildi. yoluchilar uchushtin 24 saet burun bashlanghanche, seper axirlashqandin kéyinki 24 saetkiche eptiki barliq matériyallargha heqsiz érisheleydu.
