20.06.2019
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «‹höriyet› géziti», «türkiye birleshken döletler teshkilatining zhurnalist jamal qashiqchi heqqidiki doklatigha inkas qayturdi» serlewhilik xewiride, töwendiki melumatlarni oqurmenlirining diqqitige sundi:
türkiye tashqi ishlar ministiri mewlüt chawushoghlu, birleshken döletler teshkilatining doklatchisi agnés kallamardning, seudi erebistanliq zhurnalist jamal qashiqchi jinayitini tekshürüp éniqlap chiqish mesiliside, jawabkarlardin hésab élishqa qarita tewsiyelirini qizghin qollaydighanliqlirini bildürdi.
«‹weten› géziti», «bölgünchi térrorluq teshkilatigha ejellik zerbe bérilmekte» serlewhilik xewiride, töwendiki uchurlarni oqurmenlirining diqqitige sundi:
türkiye ichki ishlar ministirliqi tunjeli wilayetlik qoralliq saqchi qisim qomandanliq ishtabi etretlirining, wilayet merkizining herqaysi yéza – qishlaqlirida hawa armiyesining yardimi astida élip barghan herbiy heriketliride 3 térrorchi bir terep qilindi.
«‹sabah› géziti», «türkiye hawa yolliri shirkitining tunji <chüsh> namliq ayropilanining yéngi körünüshliri otturigha chiqti» serlewhilik xewiride, töwendiki melumatlargha orun ajratti:
türkiye hawa yolliri shirkitining «chüsh» namliq tunji « Boeing 787-9 Dreamliner» tipliq ayropilanining ichki körünüshliri élan qilindi. 300 yoluchi sighidighan ayropilanning bolupmu alahide orunduqliri diqqet qozghidi.
25 – iyun küni istanbulda bolidighan ayropilan, türkiyede tunji qétimliq uchushini 8 – iyul düshenbe küni enqere waqti etigen saet 8 din 35 minut ötkende istanbuldin antalyagha ishqa ashuridu.
«‹xewer türk› géziti», «marmarista charlash paraxoti arqiliq sayahet qilish» serlewhilik xewiride, töwendiki melumatlargha orun ajratti:
malta bayriqi qadalghan « Horizon» namliq charlash paraxoti, köpinchisi ispaniyeliklerdin teshkil tapqan 1460 yoluchisi we 615 kishilik paraxot xadimliri bilen birlikte marmaris portigha yétip bardi. yoluchilar tamozhnidiki resmiyetlirini tamamlighandin kéyin, marmaris baziri, qele ichi we yat portini seyle qildi. sayahetchilerning bir qismi chayxanilarda chay – qehwe ichse, yene bir qismi bazarda soda – sétiq qildi.
«‹star› géziti», «rusiyede «türk kino künliri bashlandi» serlewhilik xewiride, töwendiki melumatlarni oqurmenlirining diqqitige sundi:
rusiyede aldinqi küni moskwa yunus emre inistitutida «<saynt pétérsburg> türk kino künliri» paaliyetliri bashlandi. paaliyetler dawamida rusche xetlik 7 filim kino mestanilirining huzurigha sunulidu.
