türkiye bilen qirghizistan otturisida 62 maddiliq heriket pilani imzalandi

türkiye awazi radiyosi xewiri: tünügün muawin jumhur reis jewdet yilmaz we qirghizistan ministirlar kéngishi reisi aqilbek japarow paytext enqerediki jumhur reislik mehkimiside ayrim ayrim we heyetlerara uchrishish ötküzdi.

uchrishishtin kéyin, tünügün muawin jumhur reis jewdet yilmaz we qirghizistan ministirlar kéngishi reisi aqilbek japarowning riyasetchilikide türkiye-qirghizistan birleshme iqtisad komitétining 11-nöwetlik yighini ötküzüldi.

yighindin kéyin, ikki dölet otturisidiki kélishimlerge imza qoyush murasimi bashlandi.

türkiye-qirghizistan birleshme iqtisadiy komitéti kélishimnamisi we uninggha munasiwetlik  62 maddiliq heriket pilanigha imza qoyghan yilmaz we japarowning huzurida, kométit dairiside qatnash we ul eslihe ministirliqi bilen qirghizistan jumhuriyiti hökümiti otturisida 1992-yili 4-ayning 28-küni bishkekte imzalanghan xelqara tashyol tiransiport kélishimige tüzitish kirgüzüsh kélishimnamisi we türkiye éksportchilar mejlisi bilen qirghizistan ékisport tereqqiyat we ilgiri sürüsh merkizi otturisidiki hemkarliqni chüshinish esletmisi imzalandi.

imza qoyush murasimidin kéyin yilmaz bilen japarow birleshme axbarat élan qilish yighini chaqirdi. yighinda, ikki tereplik soda sommisining hazir 1 milyard 600 milyon dollargha yetkenliki we tünügün ötküzülgen türkiye-qirghizistan birleshme iqtisadiy komitéti kélishimnamisi we uninggha munasiwetlik 62 maddiliq heriket pilani yighinining töhpisi bilen bu sommini téximu yuqiri kötüridighanliqi bildürüldi.