eliyéw: ezerbeyjan éghir mesilige duch kelgende, tunji bolup erdoghangha téléfon qilimen
ezerbeyjan pirézidénti ilham eliyéw döliti her qandaq éghir mesilige duch kelgende birinchi bolup téléfon qilidighan kishining jumhur reis rejep tayyip erdoghan ikenlikini éytti.
2087320
türkiye awazi radiyosi xewiri: pirézidént ilham eliyéw ezerbeyjan téléwiziye qanallirigha bayanat berdi؛ u ikkinchi qarabagh urushi (2020-yili 27-séntebirdin 10-noyabirghiche) dawamlishiwatqan mezgildiki téléfon söhbetliri toghrisida toxtilip, jumhur reis erdoghan we rusiye pirézidénti wiladimir putin bilen eng köp körüshkenlikini bildürdi.
eliyéw erdoghanning urushning birinchi künidin axirqi künigiche ezerbeyjanning sépide turghanliqini bayan qilip: «uning ezerbeyjanni siyasiy we meniwi jehettin qollishi bezilerge nisbeten signal boldi. bu ezerbeyjan xelqi bilen hemnepeslik signalila emes, eyni waqitta, urushqa arilashmaqchi bolghanlargha <arilashmanglar> dégen uchur idi. ezerbeyjan xelqi buni hergiz untup qalmaydu» dédi.
shushaning ishghaliyettin azad qilinghanliqini tunji bolup tebrikligen kishiningmu erdoghan ikenlikini bildürgen eliyéw: «eger bügün dölitimizge munasiwetlik éghir bir mesile otturigha chiqsa, elwette, men birinchi bolup téléfon qilip, waqiplanduridighan kishi qérindishim rejep tayyip erdoghan bolidu» dégenlerni sözlirige ilawe qildi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
