ezerbeyjan-türkiye otturisida chong hemkarliqlar bar
ezerbeyjan énérgiye ministiri shahbazow türkiye-ezerbeyjan otturisida tebiiy gazdin néfitqiche bolghan nurghun sahelerde hemkarliqlarning dawamlishiwatqanliqini bildürüp: «kelgüside ikki dölet otturisida téximu chong hemkarliqlar royapqa chiqidu» dédi.
türkiye awazi radiyosi xewiri: ezerbeyjan énérgiye ministiri perwiz shahbazow rusiye paytexti moskwada ötküzülgen «rusiye énérgiye heptisi» dairiside, énérgiye sahesidiki türkiye-ezerbeyjan hemkarliqliri üstide toxtaldi.
u ikki döletning oxshimighan sahelerde hemkarliq ornatqanliqini bildürüp: «türkiye bilen ezerbeyjan qérindash döletlerdur. pütkül sahelerde keng hemkarliqlar mewjut. oxshash waqitta yene, énérgiye sahesidimu nahayiti nurghun chong hemkarliqlar bar» dédi.
u türkiyening ighdir wilayitidin ezerbeyjanning nehchiwan aptonom jumhuriyitige tebiiy gaz yetküzidighan turuba yoligha qisqa waqit ichidila ul qoyulghanliqini bildürüp: «bir qanche kün ilgiri türkiye jumhur reisi rejep tayyip erdoghanning qatnishishi astida türkiyedin nehchiwangha gaz yetküzidighan turuba yoligha ul sélindi» dédi.
u türkiye bilen nehchiwan otturisida tok yetküzüshtimu hemkarliq ornitish toghrisida kélishim tüzülgenlikini eskertip, munasiwetlik xizmetlerning ishliniwatqanliqini qeyt qildi.
u sözini munda dawamlashturdi:
«ezerbeyjan bilen türkiye otturisida néfit, gaz, néfit-ximiye we sijil énérgiye saheliride nurghun nahayiti chong hemkarliqlar mewjut. inshaallah biz bu hemkarliqlarni kelgüside téximu tereqqiy qildurimiz. bizning nurghun pilan-layihelirimiz türkiye zémini arqiliq emelge ashuruluwatidu. tranzit anadolu-tanap (TANAP ) bularning biri hésablinidu. tanapni téximu kéngeytish mesilisi bar. inshaallah kelgüside ikki qérindash dölet otturisida téximu chong hemkarliqlar emelge ashidu.»
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
