ilham eliyéw ishghaliyettin yéngi azad qilinghan rayonlargha ezerbeyjan bayriqini asti

türkiye awazi radyosi xewiri: eliyéw pirézidéntliqqa saylinip aridin 20 yil ötkendin kéyin, 19-séntebir (2023) élip bérilghan térrorluqqa qarshi turush herikiti bilen, ezerbeyjan armiyesining kontrolluqigha ötken rayonlarni tunji qétim ziyaret qildi.

eliyéw aldi bilen serseng tosmisi kölini we aghdere shehirini ziyaret qilip, u yergimu ezerbeyjan bayriqini asti.

u xankendi shehirinimu ziyaret qildi we ezerbeyjan bayriqini asqandin kéyin nutuq sözlidi.

xankendi qarabaghdiki ishghaliyetchi hakimiyet teripidin «paytext» qiliwélinghan idi.

u yene, 1992-yili 26-féwralda erméniye qisimliri teripidin 613 neper ezerbeyjan puqrasi qirghin qilinghan xojali shehirini ziyaret qilghandin kéyin, esqeran yézisigha yétip bardi. u her ikki rayongha ezerbeyjan bayriqini asti.

prézidént eliyéw birinchi qarabagh urushidin ilgiri ezerbeyjanlar yashaydighan shushagha qarashliq malibeyli yézisi bilen xankendige qarashliq kerkijahan shehirini ziyaret qildi.

ezerbeyjan armiyesi 19-séntebirde qarabaghda asasiy qanun tertipini ornitish üchün térrorluqqa qarshi heriket bashlighan idi.

qarabaghdiki qanunsiz erméniye qoralliq küchliri texminen 24 saet dawamlashqan herikettin kéyin qoral tashlighan idi.

rayonda ishghaliyet tüzümi ornatqan erményye hökümiti, ishghaliyet tüzümini emeldin qaldurghanliqini élan qilghan idi.

atalmish ​​hakimiyetning sabiq bashqurghuchiliri ezerbeyjan qisimliri teripidin qolgha élinip, paytext bakugha élip kétildi.

pirézidént eliyéw térrorluqqa qarshi herikettin kéyin, döletning igilik hoquqining toluq kapaletke ige qilinghanliqini élan qildi.