ezerbeyjan firansiyege naraziliq bildürdi

türkiye awazi radiyosi xewiri: ezerbeyjan tashqi ishlar ministirliqining bayanatchisi ayxan hajizade firansiye tashqi ishlar ministiri katériné kolonnaning erméniye ziyariti dawamida ezerbeyjangha qarshi bergen bayanatlirigha qattiq naraziliq bildürdi.

hajizade ammiwi ortaqlishish tor béti X sehipiside élan qilghan bayanatida, firansiye tashqi ishlar ministiri katériné kolonnaning erméniye ziyariti dawamida qilghan «yalghan qamal» we «ermenlerni köchüshke mejburlash» teriqisidiki bayanatlirining  tinchliq ornitish tirishchanliqlirigha éghir ziyan yetküzidighanliqini tekitlep mundaq dédi: «firansiye tashqi ishlar ministiri katériné kolonnaning <firansiye hemishe erméniye terepte turidu> dégen bayanati özining semimiy we biterep muressechi ikenlikini ilgiri sürüwatqan firansiyening niqabini yirtip tashlidi.»

firansiye tashqi ishlar ministiri katérini kolonna erméniyening paytexti yéréwan ziyariti esnasida, qarabaghdiki özgirishler tüpeyli ezerbeyjanni eyibligenidi.

yene bir tereptin, firansiye tashqi ishlar ministiri katériné kolonna erméniye tashqi ishlar ministiri ararat mirzoyan bilen yéréwanda ötküzülgen birleshme muxbirlarni kütüwélish yighinida, dölitining erméniyege mudapie esliheliri ewetish üchün kelgüside kélishimlerni imzalashqa qoshulghanliqini uqturghanidi.

kolonna firansiyening erminiyeni dawamliq qollaydighanliqini bayan qilghan, hemde dölitining erméniyening zémin pütünlükige qarita hoshyarliqni östüridighanliqini tekitligenidi.