ezerbeyjan qarabaghdiki qanunsiz küchlerning qomandani mayur général manukyanni qolgha chüshürdi
ezerbeyjanning qarabagh rayonidiki atalmish erméniye hökümiti qarmiqidiki qanunsiz qoralliq küchlerning qomandanliridin mayor général dawit manukyan qolgha chüshti.
türkiye awazi radiyosi xewiri: ezerbeyjan dölet bixeterlik idarisi bayanat élan qilip, erméniye puqrasi we erméniye armiyesi ezasi manukyanning qarabaghda qolgha élinghanliqini uqturdi.
bayanatta, 2020- yili 11- ayning 10- küni rusiye, ezerbeyjan we erméniye otturisida imzalanghan üch terep xitabnamisining «erméniye armiyesining ezerbeyjan zéminliridin chékinishi» toghrisidiki belgilimige qarimay, rayonda turushni dawamlashturghan manukyanning atalmish «qarabagh mudapie armiyesining birinchi muawin qomandani» ikenliki qeyt qilindi.
igilinishiche, manukyanning yene ezerbeyjanning ammiwi bixeterlikini qalaymiqanlashturush, amma arisida wehime peyda qilish, partlash we ot apiti peyda qilishtek térrorluq heriketlirini teshkilleshke qatnashqanliqi éniqlanghan.
«teshkillik jinayi shayka teripidin qayta- qayta sadir qilinghan térrorizm», «qoral- yaragh, ularning zapchasliri, oq-dora, partlatquch dora we üskünilerni qanunsiz sétiwélish, saqlash we yötkesh», «qanunda belgilenmigen qoralliq guruppilar we qisimlarni teshkillesh» we «ezerbeyjan chégrasidin qanunsiz ötüsh» qatarliq jinayetler bilen eyiblinip sotlanghan manukyan qolgha élinghan.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.