ezerbeyjan qarabaghqa insanperwerlik yardem buyumliri ewetti
ezerbeyjan jiddiy ehwallargha taqabil turush ishliri ministirliqi qarabaghdiki ermenlerning jiddiy éhtiyajlirini qamdash üchün ewetken insanperwerlik yardem buyumliri qachilanghan yük aptomobilliri rayongha qarap yolgha chiqti.
türkiye awazi radiyosi xewiri: ezerbeyjan dairilirining tünügün qarabaghdiki ermenlerning wekilliri bilen ötküzgen tinchliq söhbitide, insanperwerlik yardem mesilisimu kentertipke kelgenidi.
ermenlerning wekilliri ezerbeyjandin rayondiki ermenlerning jiddiy éhtiyajlirini qandurushini telep qilghanidi.
bu telepke asasen, ezerbeyjan jiddiy ehwallargha taqabil turush ishliri ministirliqi teyyarlighan insanperwerlik yardem buyumliri qachilanghan 2 yük aptomobili bilen 2 mashina aghdam shehirige qarap yolgha chiqti.
40 tonna yémeklik taziliq buyumliri we nan qatarliqlar bésilghan yük aptomobilliri aghdam shehiridin ötüp, ermen ahalisi turidighan xankendi shehirige yétip baridu, hemde insanperwerlik yardem buyumliri rayondiki éhtiyajliq kishilerge tarqitip bérilidu.
ezerbeyjan jiddiy ehwallargha taqabil turush ishliri ministirliqi qarabagh rayoni waliysi mireli féwziyéw qarabaghdiki ermenlerning éhtiyajlirini qandurush üchün insanperwerlik yardimlerni dawamlashturidighanliqlirini éytti.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
