qirghizistan tiktokni cheklidi
qirghizistan medeniyet, uchur, tenterbiye we yashlar ministirliqi ijtimaiy taratqu supisi tiktokni meni qilish qarari chiqardi.
türkiye awazi radiyosi xewiri: qirghizistan medeniyet, uchur, tenterbiye we yashlar ministirliqi axbarat merkizi bayanat élan qilip, ijtimaiy taratqu supisi tiktokning meni qilinghanliqini bildürdi.
bayanatta, nurghun ijtimaiy teshkilatlardin tiktokning balilarning eqliy tereqqiyati we salametlikige selbiy tesir körsitidighanliqi toghrisida erz-shikayetlerning kelgenliki eskertildi.
bayanatta yene, xumar bolup qélishqa seweb bolidighan widéolarning, yash ewladlarning hés-tuyghulirigha selbiy tesir körsitidighanliqi qeyt qilindi.
bayanatta, ministirliqning nurghun erz-shikayetlerni nezerde tutqan halda tiktokni meni qilish qararning chiqirilghanliqi we qararning ijra qilinishi üchün dijital tereqqiyat ministirliqigha iltimas sunulghanliqi bildürüldi.
bayanat axirida, tiktokni meni qilish qararining her qandaq géopolitikiliq meqsetke ige emeslikini؛ mezkur qararning pütünley balilarning exlaqiy terbiyesige passip tesir körsitidighan we ularning pisxikiliq saghlamliqigha ziyan yetküzidighan uchurlardin qoghdash üchün chiqirilghanliqi tekitlendi.
