ezerbeyjan bayriqigha dessigen üch ermen qolgha chüshürüldi
qarabaghda ezerbeyjan bayriqini dessigen üch erméniye putbolchisining her birige 10 künlüktin qamaq jazasi bérildi.
türkiye awazi radiyosi xewiri: ezerbeyjan bash teptish mehkimisi bayanat élan qilip, 2021 – yili üstidin délo turghuzulup, tutush buyruqi chiqirilghan erméniye puqraliri alén sarkisyan (22 yash), waxé xowsépyan (20 yash) we léwon girigoryan (20 yash)ning qarabaghdin erminiyege ötüsh jeryanida lachin tekshürüsh ponkiti xadimliri teripidin nazaret astigha élinghanliqini uqturdi.
bayanatta, mezkur üch kishining soraq jeryanida jinayetlirini étirap qilip, qilmishlirigha pushayman qilghanliqlirini we buningdin kéyin bundaq heriketlerni qilishtin saqlinidighanliqi bildürgenliki qeyt qilindi.
jawabkarlarning bildürgen ipadiliri nezerde tutulup, dawamlishiwatqan tekshürüshlerge xatime bérilgenlikige isharet qilinghan bayanatta, mezkur üch kishining memuriy jinayetler qanunining «cheklengen uchurlarni torda tarqitish» dairiside sotlinip, her birige 10 künlüktin qamaq jazasi bérilgenliki tekitlendi.
bu üch kishining jaza mudditi toshqandin kéyin, ezerbeyjandin ayrilishigha ruxset qilinidighanliqi qeyt qilindi.
qarabaghdiki bir putbol kulubi putbolchilirining ezerbeyjan bayriqini dessigenlikige alaqidar körünüshler 2021- yili torda hembehrilengenidi.
ezerbeyjan bash teptish mehkimisi «ezerbeyjan jumhuriyitining dölet bayriqi yaki gérbini haqaretlesh» we «teshkillik halette milliy, irq, ijtimaiy yaki diniy öchmenlik we adawetke qutratquluq qilish» jinayiti bilen bu weqeni tekshürüshni bashlighanidi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
