shewket mirziyayéwning wezipe ötesh mudditi yette yil uzardi

türkiye awazi radiyosi xewiri: özbékistanda muddettin burun ötküzülgen pirézidéntliq saylimining netijilirige asaslanghanda, libéral démokrat partiyesining namzati shewket mirziyayéw %87.05 awazgha ériship qaytidin pirézidéntliqqa saylanghan we bu saylam bilen uning wezipe ötesh mudditi yene yette yil uzarghan.

özbékistanda 30-aprél ötküzülgen réfénrandumda asasiy qanungha özgertish qobul qilinghan bolup, tünügün (9-iyul) muddettin burun pirézidéntliq saylimi ötküzüldi.

saylamda, parlaméntning töwen qaniti bolghan qanun chiqirish mejlisidiki besh partiye namzat körsetken töt kishi özara riqabetleshti.

merkiziy saylam komitétining bashliqi zeyniddin nizamxojayéw axbarat élan qilish yighinida, hazirqi pirézidént shewket mirziyayéwning démokratiye pirinsiplirigha, dölet qanuni we xelqaraliq qanunlargha uyghun halda %87.05 awazgha ériship, qaytidin pirézidéntlqqa saylanghanliqini bildürdi.

u 15 milyon 651 ming 405 saylighuchining awaz tashlighanliqini, bu sanning tizimgha élinghan saylighuchilarning %79.88 ni igileydighanliqini qeyt qildi.

u xelq démokrat partiyesining namzati ulughbék inoyatowning %4.02 awazgha, özbékistan ékologiye partiyesining namzati abdushukür hamzayéwning %3.74 awazgha, adalet we sotsiyal démokrat partiyesining namzati roba muhemmedowning %4.43 awazgha érishkenlikini bildürdi.

u axirida, hazirghiche saylamda saylamgha xilap héchqandaq erz-shikayetlerning bildürülmigenlikini qoshumche qildi.