özbékistan - qirghizistan chégrasida yasalghan sépil örülüp chüshti

türkiye awazi radiyosi xewiri: özbékistanning endijan (enjan) we qirghizistanning jalalabad wilayetliridiki ortaq chégra éghizigha jaylashqan begabad - xanabad chégra éghizida yasalghan sépil örülüp chüshti.

bu sépil 2010-yili özbékistanning ötüshme nuqtisini taqash üchün yasalghanidi.

qirghizistan chégra mudapie qisimliri teripidin élan qilinghan bayanatta bildürülüshiche, 2010 – yili mezkur chégra éghizidin sirt yene, «qarasu» we qarabaghish» chégra éghizilirimu özara ötüshüshke taqiwétilgen bolup, terepler  chégra éghizlirini qayta échish üchün dawamliq xizmet ishlimekte iken.

özbékistan pirézidénti shewket mirziyoyéw 2016 – yili wezipige olturghandin kéyin, qoshna döletler bilen bolghan munasiwetlirini yaxshilashqa bashlighan özbékistan  qoshna döletler bilen bolghan we her xil sewebler tüpeyli  taqilip qalghan chégra éghizlirini qayta échish üchün heriketke ötken, bu dairide, chégra éghizliri qaytidin échilghanidi.