enqere-tashkent otturisida ayropilan sepiri bashlandi

türkiye awazi radiyosi xewiri: anadoluzhétning enqeredin tashkentke qarap uchqan tunji ayropilani shu yer waqti 4.10  ötkende tashkent ayrodurumigha qondi.

özbéksitan xelq awiyatsiye idarisining mudiri tahir nezerow, türkiyening enqerediki bash elchisi olgan bekar we türkiye hawa yolliri shirkiti tashkent ishxanisining mudiri selim qahraman ayropilan shotisi aldida lénta késip, yoluchilarni kütüwaldi.

bash elchi olgan bekar bu munasiwet bilen söz qilip, enqere-tashkent otturisida ayropilan seperlirining emelge ashqanliqini we bu seperning heptide bir qétim  bolidighanliqini,  kéyinki künlerde özbékistan hawa yolliri shirkitiningmu bu linyede ayropilan sepirini bashlishini kütidighanliqlirini bildürdi.

u bügüngiche ikki dölet hawa yolliri shirketlirining istanbul bilen özbékistanning ferghane, urgench, semerqent we buxara sheherliri otturisida ayropilan seperlirini yolgha qoyghanliqini؛ anadoluzhétning enqere-tashkent ayropilan sepiri bilen ikki dölet otturisida emelge ashidighan ayropilan seperliri sanining 61 ge yetkenlikini qeyt qildi.