türkmenistanda saylam bashlandi
türkmenistanda parlamént ezaliri, xelq meslihet kéngishi ezaliri we yerlik hökümet organlirining ezalirini saylash bashlandi.
türkiye awazi radiyosi xewiri: türkmenistanda saylam üchün tesis qilinghan 2644 bélet sanduqi shu yerning waqti etigen saet 07:00 de échildi.
türkmenistan merkizi saylam we référandum heyiti teripidin tizimliki élan qilinghan 3 milyon 496 ming 475 saylighuchi, kelgüsi 5 yil boyiche türkmenistan parlaméntida özlirige wekillik qilidighan parlamént ezaliri bilen xelq meslihet kéngishi ezalirini shundaqla yerlik hökümet organliri wekillirini saylash üchün bélet tashlaydu.
türkmenistan musteqil bolghandin buyanqi 7 - nöwetlik parlamént ezaliri, 5 - nöwetlik rayonluq we wilayetlik xelq meslihet kéngishi ezaliri bilen 9 - nöwetlik yerlik hökümet organlirining wekilliri saylinidighan saylamda, türkmenistan démokratik partiyesi, türkmenistan sanaetchiler we igilik tikligüchiler partiyesi hemde türkmenistan déhqanchiliq partiyesi qatarliq 3 siyasiy partiye we xelq teshebbusi guruppisining namzatliri riqabetke chüshidu.
parlamént ezasi saylimi üchün 3 siyasiy partiyedin jemiy 175 namzat we ammiwi teshebbuskarliq guruppiliridin 83 musteqil namzat bolup, jemiy 258 namzat parlaménttiki 125 orun üchün riqabetlishiwatidu.
saylamda 2885 yerlik we texminen 80 xelqaraliq teshkilatning wekilliri közetküchilik qilidu.
buningdin bashqa yene, 18 yéshigha toshqan 75 ming 606 yéngi saylighuchi saylamda tunji qétim bélet tashlaydu.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
