türkiyening ashxabadtiki elchixanisi türkmenistandin apetke uchrighuchilargha yardem yollidi
türkiyening ashxabadtiki elchixanisining maslishishi bilen, qahramanmarashta 6 – féwral yüz bergen yer tewreshtin kéyin apetke uchrighuchilargha 1100 ediyal we 89 kariwat yollandi.
türkiye awazi radiyosi xewiri: türkiyening ashxabadta turushluq bash elchisi togan oral tiwittér adrésida hembehirligen uchurida, «elchixanimizning maslishishi bilen yer tewresh rayonigha bügün (28-féwral) etigen türkmenistandin 1100 ediyal we 89 kariwat ewettuq. iane qilghan puqralirimizgha, türkmenistandiki shirketlirimizge we türkmenistan qizilay jemiyitige rehmet éytimiz» déyildi.
türkmenistandiki ammiwi teshkilatlar we türkiyening ashxabadta turushluq bash elchixanisi teripidin uyushturulghan yardem seperwerliki netijiside, apetke uchrighuchilargha bügüngiche 8 ming 71 ediyal, 390 kariwat, 20 générator, 60 issitquch, alte köchme hajetxana, 11 tonnidin 15 tonnighiche kiyim - kéchek, 44 tonnidin 46 tonnighiche dawalash buyumliri we 67 tonna yémeklik ewetildi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
