türkmenistan pirézidénti erdoghanning tughulghan künini tebriklidi
türkmenistan pirézidénti serdar berdimuhemedow jumhur reis rejep tayyip erdoghanning tughulghan künini tebriklidi.
türkiye awazi radiyosi xewiri: «‹türkmenistan› géziti» ning xewirige qarighanda, türkmenistan pirézidénti serdar berdimuhemedow türkiye jumhuriyiti jumhur reisi rejep tayyip erdoghangha télégramma yollap, erdoghanning tughulghan künini tebrikligen, hemde uninggha ésenlik, bext – saadet we uzun ömür tiligen.
berdimuhemedow télégrammisiida, jumhur reis erdoghanning türkiye – türkmenistan munasiwetlirining tereqqiy qilishigha nahayiti zor töhpilerni qoshqanliqini tekitlep mundaq dégen: «ikki dölet otturisidiki dostane hem qérindashliq munasiwetlirimizge nahayiti zor ehmiyet bérip kéliwatimiz, buning kelgüside ikki dölet xelqlirining tüp menpeetlirini qoghdaydighan munasiwetlirining téximu qudret tépishida muhim rol oynaydighanliqigha ishinimiz.»
türkmenistan xelq meslihet kéngishining reisi gurbanguli berdimuhemedowmu jumhur reis rejep tayyip erdoghanning tughulghan künini tebriklep télégramma yollidi.
u télégrammisida, türkmenistan – türkiye otturisidiki hemkarliq munasiwetlirining tereqqiy qilishigha zor töhpilerni qoshqanliqi üchün jumhur reis rejep tayyip erdoghangha minnetdarliq bildürdi.
1954 – yili 26 – féwral küni dunyagha kelgen jumhur reis rejep tayyip erdoghanning tughulghan küni tünügün ammiwi ortaqlishish tor betliridiki sehipiliridimu minglarche uchurlar arqiliq tebriklengenidi.
rusiye pirézidénti wladimir putin, özbékistan pirézidénti shewket mirziyayéw we sérbiye pirézidénti aléksandar wujich qatarliq rehberlermu téléfon qilip, jumhur reis rejep tayyip erdoghanning tughulghan künini tebrikligenidi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.