t d t bash katipi özbékistan tashqi ishlar ministir wekili bilen körüshti

türkiye awazi radiyosi xewiri: türk döletliri teshkilati bash katipi ömüraliyéw ete (2023-yili 24-yanwar) ötküzülidighan iqtisadiy hemkarliq teshkilati tashqi ishlar ministirliri yighinigha qatnishish üchün yétip barghan tashkentte, özbékistan tashqi ishlar ministir wekili bextiyar seidow bilen körüshti.

özbékistan tashqi ishlar ministirliqi bu heqte bayanat élan qilip, körüshüshte barliq sahelerdiki munasiwetlerning ijabiy yönilishte tereqqiy qilghanliqidin hés qilinghan xushalliqlar tilgha élinghan.

özbékistan tashqi ishlar ministir wekili bextiyar seidow bilen ömüraliyéw türk döletliri teshkilatining 2022-yili noyabirda semerqentte ötküzülgen rehberler yighinida chiqarghan istratégiyelik qararlarning ijra qilinishi üstide toxtaldi.

rehberler teshkilatqa eza döletlerning otturisida, soda, iqtisadiy munasiwetlerni tereqqiy qildurush, türk döletliri teshkilati rayonining qatnash we tiransiport yoshurun küchidin toluq paydilinish, uchur-alaqe, dijital we yéshil iqtisad saheliride ortaq tür-layihelerni emelge ashurush, sayahetchilik, maarip we medeniyet saheliride özara hemkarliq ornitish mesililirini muzakire qildi.

körüshüshte yene, ömüraliyéw özbékistanning türk döletliri teshkilati nöwetchi reislikining meqsiti we wezipilirini emelge ashurushta, teshkilat bash katibatliqining aktip rol élishqa teyyar ikenlikini eskertti.

türk döletliri teshkilati bash katipi ömüraliyéw terepler otturisidiki munasiwetler bilen özbékistanning teshklatning paaliyetlirini tereqqiy qildurushqa munasiwetlik pilanlirini muzakire qilghanliqlirini bildürüp, 2022-yili noyabirda semerqentte ötküzülgen türk döletliri teshkilati rehberler yighinida imzalanghan semerqent xitabnamesi bilen bashqa höjjetlerning rohinimu emeliyleshtürüshke munasiwetlik mesililernimu muzakire qilghanliqlirini qeyt qildi.