chawushoghlu: türk dunyasining 2040-yilliq ghaye höjjiti muhim qedem

türkiye awazi radiyosi xewiri: türkiye tashqi ishlar ministiri mewlüt chawushoghlu özbékstan paytexti tashkentte türk döletliri teshkilati (t d t) rehberler teyyarliq yighinida, istanbuldiki yighinda rayondiki özgirishlerni birlikte muhakime qilghanliqlirini, qiyin bir mezgildin ötüwatqanliqlirini, shunga zich hemkarliqlarni qetiy dawamlashturup, özlirini tuyuqsiz zerbilerge berdashliq béreleydighan ottura we uzun muddetlik istratégiyelerni tereqqiy qildurush kéreklikini qeyt qildi.

u: «2021-yili noyabirda istanbulda échilghan rehberler yighiida qobul qilinghan <türk dunyasi 2040-yilliq ghaye höjjiti> uzun muddet üchün éytqanda muhim qedem hésablinidu. tunji besh yilliq ijra qilish mezgilide istratégiye höjjitining axirqi nusxisini teyyarlash, nöwetchi reislik wezipisini ötigen waqtimizda aldin ehmiyet béridighan xizmetlirimizning biri idi. bularni ishqa kirishtürüshni kapaletke ige qilish, hemmimizning ortaq wezipisi. hazirqi weziyet yaxshi pursetlerni yaritip bériwatidu, tarix yönülüshini tüzitiwatidu, asiya qaytidin kötürülüwatidu» dédi.

u türk döletliri teshkilatini sistémilashturush üchün muhim xizmetlerning qilinghanliqini bildürüp, türk meblegh fondi tesis qilish qararining, türkiye nöwetchi reis bolghan mezgilde bésilghan muhim qedemlerning biri bolghanliqini we bu mesilide sahibxanliq qilishqa teyyar ikenliklirini tekitlidi.

u türk döletliri teshkilatining bash katipliq wezipisige, rehberlerning qoshulushi bilen bash elchi kubanichbék ömüraliyéwning teyinlengenlikini, özlirining uni her jehettin qollaydighanliqlirini qeyt qildi.