«shusha xitabnamisi» küchke ige boldi
türkiye jumhuriyiti bilen ezerbeyjan jumhuriyiti otturisida ittipaqdashliq munasiwetlirini kücheytish nishan qilinghan «shusha xitabnamisi» ni testiqlashqa ait qanun yolgha qoyuldi.
türkiye awazi radiyosi xewiri: 2021 – yili 15 – iyun küni ezerbeyjanning shusha shehiride imzalanghan «türkiye jumhuriyiti bilen ezerbeyjan jumhuriyiti otturisida ittipaqdashliq munasiwetlirini kücheytish nishan qilinghan <shusha xitabnamisi> gha munasiwetlik qanun resmiy gézitte élan qilindi.
«shusha xitabnamisi» arqiliq hem türkiye – ezerbeyjan otturisidiki munasiwetlerni téximu kücheytish we chongqurlashtuush, hemde türkiye bilen ezerbeyjanni bir - birige tutashturidighan «zengezur karidori» ning échilishi we «nexchiwan – qars tömür yoli» qurulushini ishqa kirishtürüsh, bu dairide ikki dölet munasiwetlirini yenimu yüksek sewiyege yetküzüsh nishan qilinmaqta.
türkiye bilen ezerbeyjanning, xitabname arqiliq, rayonluq we yer shari xaraktérlik bixeterlik hem muqimliq mesililirining hel qilinishi yolida ortaq tirishchanliq körsitishi, tereplerdin birining musteqilliqi yaki zémin pütünlüki üchinchi bir dölet teripidin tehditke duch kelgen teqdirde, tereplerning bir - birige yardem bérishi؛ bolupmu térrorizm, teshkillik jinayetler, zeher etkeschiliki, qanunsiz köchmenlikke qarshi küreshte ortaq tirishchanliq körsitishi we hemkarliqning dairisini kéngeytishi meqset qilinmaqta.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
