qazaqistan millet kutupxanisigha kitab teqdim qildi
qazaqistan 200 din artuq edebiy eserni jumhur reislik mehkimisining millet kutupxanisigha teqdim qildi. bu edebiy eserlerning ichide qazaqistan pirézidénti jömert toqayéwning esirimu bar.
türkiye awazi radiyosi xewiri: qazaqistanning musteqil bolghanliqining 30-yilliqi dairiside, qazaqistandin türkiye jumhuriyiti jumhur reisliki mehkimisinng millet kutupxanisigha 200 din artuq edebiy eserni teqdim qilish murasimi enqerede ötküzüldi.
murasimgha, qazaqistanning enqerede turushluq bash elchisi abzal seperbequli, qazaqistan milliy akadémik kutupxanisining bashliqi umutqan munalbaéwa we türkiye jumhur reislik mehkimisi kutupxanilar idarisining bashliqi ayxan tughlu hemde nurghun teklip qilinghan méhmanlar ishtirak qildi.
qazaqistan bash elchisi abzal seperbequli murasimda: «türkiye jumhur reislik millet kutupxanisigha hediye qilinghan kitablarning qazaqistan we türkiye otturisidiki edebiy, shundaqla insaniy munasiwetlerning küchiyishige, qazaq we türk ielqliri otturisidiki qérindashliq munasiwitining téximu mustehkemlinishige hesse qoshidighanliqigha ishinimen» dédi.
qazaqistan milliy akadémik kutupxana bashliqi umutqan munalbaéwa, mezkur kitablarni türkiyege teqdim qilishni özliri üchün muhim wezipe süpitide körgenliklirini eskertip: «meqsitimiz we ümidimiz, türkche sözlishidighan döletlerning ittipaqliqi buzulmastin, qérindash türk xelqlirining edebiyati we medeniyiti menggülük bolsun» dédi.
rehberlerning sözliridin kéyin, kitablar teqdim qilindi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
