مۇئاۋىن جۇمھۇر رەئىس فۇئات ئوكتاي ئۆزبېكىستاندا مۇھىم ئۇچرىشىشلاردا بولماقتا

تۈركىيە ئاۋازى رادىيوسى خەۋىرى: مۇئاۋىن جۇمھۇر رەئىس فۇئات ئوكتاي ۋە ئۆزبېكىستان مۇئاۋىن باش مىنىستىرى سەردار ئۇمۇرزاكوۋ تۈركىيە-ئۆزبېكىستان بىرلەشمە ئىقتىساد كومىتېتىنىڭ 6-نۆۋەتلىك يىغىنى ئۆتكۈزۈلىدىغان مېھمانخانىدا ھەيئەتلەر ئارا ۋە ئايرىم ئايرىم ئۇچرىشىشلاردا بولدى.

ئاندىن ئۆزبېكىستان سودا مىنىستىرلىقى ۋە تاشقى ئىشلار مىنىستىرلىقى ھەيئىتى بىلەن ئۆتكۈزگەن ئۇچرىشىشىغا تۈركىيەنىڭ تاشكەنتتە تۇرۇشلۇق باش ئەلچىسى ئولگان بەكارمۇ قاتناشتى.

سەردار ئۇمۇرزاكوۋ ئۆزبېكىستان زىيارىتىگە رەھمەت ئېيتتى ۋە «ئاتا ۋەتەنگە كەلگىنىڭىزنى قارشى ئالىمىز» دېدى.

فۇئات ئوكتاي سەردار ئۇمۇرزاكوۋنىڭ مېھماندوستلۇقىغا رەھمەت ئېيتىپ، ئۆزبېكىستانغا كەلگەن كۈندىن بېرى ئۆزىنى ئۆز يۇرتىدا تۇرغاندەك ھېس قىلىۋاتقانلىقىنى ئېيتتى.