شىۋېيتسارىيەدە تۈرك ھەپتىلىكى پائالىيىتى ئۆتكۈزۈلمەكتە

تۈركىيە ئاۋازى رادىيوسى خەۋىرى: تۈرك مەدەنىيىتىنى تونۇشتۇرۇش مەقسىتىدە داۋاملىشىۋاتقان پائالىيەت دائىرىسىدە، دۇنيا بىلىم-مۈلۈك ھوقۇقى تەشكىلاتى بىناسىدا گالا كونسېرتى بېرىلدى.

تۈرك دۆلەتلىرى تەشكىلاتى، خەلقئارا تۈرك مەدەنىيىتى تەشكىلاتى،  تۈركىي تىللىرىدا سۆزلىشىدىغان دۆلەتلەر پارلامېنت ئەزالىرى مەجلىسى، ھەرقايسى تەشكىلاتلارنىڭ ۋەكىللىرى ۋە پارلامېنت ئەزالىرى پائالىيەتكە قاتناشتى.

گالا كونسېرتى پائالىيىتىدە، تۈرك دۇنياسىدىكى 7 دۆلەتتىن كەلگەن سەنئەتچىلەر كونسېرت بەردى، ئۇسسۇل نومۇرلىرىنى كۆرسەتتى.

كېيىنچە مېھمانلارغا تۈرك دۇنياسىنىڭ مەززىلىك تائاملىرى ئىكرام قىلىندى.

ئىگىلىنىشىچە، تۈرك دۇنياسىنىڭ مول مەدەنىيەت مىراسلىرى، سەنئىتى ۋە تۈرك ھەمكارلىق تەشكىلاتلىرىنىڭ پائالىيەتلىرىنى تونۇشتۇرۇش مەقسەت قىلىنغان، 22-ئاپرېل جەنۋەدە باشلانغان «تۈرك ھەپتىلىكى» پىروگراممىسى  25-ئاپرېلغىچە داۋاملىشىدىكەن.