ئەلىيېۋ بىلەن جاپپاروۋ ئاغدام ۋىلايىتىدە مەكتەپ قۇرۇلۇشىنى ئىشقا كىرىشتۈردى

تۈركىيە ئاۋازى رادىيوسى خەۋىرى: ئالدىنقى كۈنى پايتەخت باكۇدا ئەزەربەيجان پىرېزىدېنتى ئىلھام ئەلىيېۋ بىلەن بىلەن كۆرۈشكەن قىرغىزىستان پىرېزىدېنتى سادىر جاپپاروۋ تۈنۈگۈن فۇزۇلى شەھىرىگە يېتىپ باردى، ئاندىن بۇ يەردە ئەرمېنىيەنىڭ ئىشغالىيىتى مەزگىلىدە سېلىنغان ۋەيرانچىلىقلارنى كۆزدىن كەچۈردى.

ئەلىيېۋ بىلەن جاپپاروۋغا بۇ يەردە داۋاملىشىۋاتقان قايتا قۇرۇش ۋە ئىسلاھات خىزمەتلىرى ھەققىدە مەلۇمات بېرىلدى.

ئىككى رەھبەر كېيىنچە ئاغدام شەھىرىگە بېرىپ، بۇ يەردىكى تارىخىي يادىكارلىقلارنى زىيارەت قىلدى، قۇرۇلۇش ۋە ئىسلاھات خىزمەتلىرىنى كۆزدىن كەچردى، رېمۇنت قىلىنغان تارىخىي «ئاغدام جۈمە جامەسى» نى ئىشقا كىرىشتۈرۈش مۇراسىمىغا قاتناشتى.

ئەلىيېۋ بىلەن جاپپاروۋ كېيىنچە ئەرمېنىيەنىڭ ئىشغالىيىتىدىن ئازاد قىلىنغان ئاغدام ۋىلايىتىنىڭ خىزىرلى يېزىسىدا قىرغىزىستان سالماقچى بولغان مەكتەپ قۇرۇلۇشىنى ئىشقا كىرىشتۈردى.