qazaqistanda hökümet wezipisidin istépa berdi

türkiye awazi radiyosi xewiri: qazaqistanda 10 – yanwar küni ötküzülgen parlamént saylimidin kéyin bash ministir esqer mamin bashchiliqidiki hökümet, yéngi ichki kabinét teshkil qilinishi üchün wezipisidin istépa berdi.

qazaqistan pirézidént mehkimisining bildürüshiche, pirézidént qasim jömer toqayéw, asasiy qanunning teqezzasi boyiche parlamént saylimidin kéyin, dölette yéngi hökümet testiqlanghangha qeder mewjut ichki kabinét ezalirining wezipe ötishini dawamlashturushigha alaqidar qararnamini imzalighan. bash ministir esqer manin bashchiliqidiki hökümet, bu qararnamige asasen wezipisidin istépa bergen, hemde hökümetning yéngi ichki kabinét teshkil qilinghangha qeder wezipe öteshni dawamlashturushi qararlashturulghan.

qazaqistanda 10 – yanwar küni ötküzülgen parlamént saylimida, hakimiyet béshidiki nur otan partiyesi % 71.9, aq yol démokratik partiyesi % 10.95, qazaqistan xelq partiyesi % 9.10 awazgha bilen % 7 saylam cheklimisidin halqip ötüp, parlaméntqa kirish hoquqigha érishkenidi.