tashkentte «türkiye bursliri» tonushturuldi

türkiye awazi radiyosi xewiri: chet ellerdiki türkler we qérindash xelqler idarisi-y t b (YTB) özbékstan yashlar ittipaqi binasida «türkiye oqush mukapati» pirogrammisini tonushturush yighini ötküzdi. yighingha, nurghun özbékistan yashliri ishtirak qildi.

yighinda, türkiyening tashkenttiki elchixanisining uchur-alaqe meslihetchisi dawut gazibeli söz qildi. y t b xelqara oqughuchilar bashqarmisining bashliqi ehmet atabash «türkiye oqush mukapati» pirogrammisi heqqide melumat berdi.

ehmet atabash 208 uniwérstéti bolghan türkiyening yolgha qoyghan oqush mukapati pirogrammisigha, 170 dölettiki oqughuchilarning iltimas qiliwatqanliqini bildürdi.

u türkiyening her yili toluq kurs, magéstirliq we doktorluqta oquydighan 4 minggha yéqin chet ellik oqughuchigha oqush mukapati bériwatqanliqini, hazirmu türkiyediki uniwérstétlarda oquwatqan özbékstanliq 800 oqughuchigha mukapat bériliwatqanliqini qeyt qildi.

u türkiyediki uniwérstétlarda oquwatqan özbékstanliq oqughuchilarning sanini köpeytish we oqushida utuq qazanghan özbékstan yashlirini türkiyede oqutushni xalaydighanliqlirini eskertti.

u tonushturush pirogrammisi dairiside, özbékstan muxbirliri we yashlarning soallirigha jawab berdi.

u özbékstandiki uchrishishliri dairiside, özbékstan aliy maarip ministirliqi, «el yurt ümidi» wexpi we her qaysi özbékstan uniwérstétlirida bir qatar uchrishishlarni élip barghanliqlirini, bu uchrishishlarni kéyinmu dawamlashturidighanliqlirini qeyt qildi.

u uchrishishlarda, özbékstanning munasiwetlik rehberlirige türkiye oqush mukapati heqqide melumat bergenliklirini bildürüp, özbékstan mesullirining mezkur pirogrammigha qizghin pozitsiyede bolghanliqini, özbékstan oqughuchilirining özlirige türkiyede oqumaqchi bolghan kesip toghrisidiki tekliplirini yetküzgenlikini eskertti.