ottura asiya-amérika tashqi ishlar ministirliri yighini échildi

türkiye awazi radiyosi xewiri: ottura asiya-amérika tashqi ishlar ministirliri yighinigha, amérika tashqi ishlar ministiri mayk pompéyo, qazaqistan tashqi ishlar ministiri muxtar tilewberdi. qirghizistan tashqi ishlar ministiri chingiz aydarbékow, tajikstan tashqi ishlar ministiri siraqidin muhriddin, türkmenistan tashqi ishlar ministiri rashid mérédow we özbékstan tashqi ishlar ministiri abduleziz kamilow qatnashti.

özbékstan tashqi ishlar ministirliqining bu heqtiki bayanatigha asaslanghanda, yighinda tashqi ishlar ministirliri rayonluq xewpsizlik we hemkarliq mesililiri bilen afghanistanning nöwettiki weziyiti toghrisida özara pikir almashturghan.

ministirlar 2015-yilida semerqentte bashlanghan «C5+1» ottura asiya-amérika tashqi ishlar ministirliri yighini sheklining, özara menpeetlerge tayanghan hemkarliqlarni qollash we kéngeytishning, yéngi we ünümlük méxanizmi süpitide özini ispatlighanliqini tekitlidi.

ministirlar yighinda, «C5+1» ramkisidiki yuqiri sewiyelik munasiwetlerning izchil we muqim tereqqiy qiliwatqanliqini eskertti. iqtisad, énérgiye, qatnash-tiransiport, muhit we xewpsizlik mesililirini öz ichige alghan rayonluq tereqqiyatning yéngi mesililirini hel qilidighan hemkarliqlarni muhakime qildi.

ottura asiyadiki besh dölet bilen amérika otturisida iqtisad we xewpsizlik saheliride köp tereplik hemkarliq méxanizmi süpitide qurulghan ««C5+1» ning asasiy küntertipide, iqtisadiy tereqqiyat, rayonluq hemkarliq we xewpsizlik mesililiri turidu.