özbékstan bilen iran otturisida ayropilan seperliri bashlandi
özbékstan bilen iran otturisida aridin üch yil ötkende ayropilan seperliri qaytidin bashlandi.
türkiye awazi radiyosi xewiri: özbékstan qatnash ministirliqi iran bilen ayropilan seperlirining qaytidin bashlanghanliqi heqqide bayanat élan qildi.
bayanatta körsitilishiche, bügün (10-dékabir) iranning zagros hawa yolliri shirkiti téhran-tashkent sepirini emelge ashurghan. özbékstanning munasiwetlik rehberliri tashkent ayrodurumida aridin üch yil ötkendin kéyin emelge ashurulghan mezkur seperning yoluchilirini murasim bilen kütüwalghan.
téhran-tashkent sepiri heptide bir qétim düshenbe künliri bolidu. kéyinche, bu ayropilan sepiri heptide ikki qétimgha chiqirilidu.
özbékstan qatnash ministirliqining bayanatida bu heqte mundaq déyildi:
«özbékstan bilen iran otturisidiki ayropilan seperlirining qaytidin bashlanghanliqi ikki dölet otturisidiki soda, iqtisad, medeniyet we sayahet, insaniy sahelerdiki munasiwetlerning téximu tereqqiy qilishigha paydiliq.»
özbékstan xelq awiyatsiye idarisi 2019-yili noyabir éyida iranning zagros hawa shirkitige téhran-tashkent sepirini bashlishigha ruxset bergen idi.
ikki dölet otturisidiki ayropilan seperliri 2016-yili toxtitilghan idi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.