b d t: uyghur türklirining diniy erkinlikige hörmet qilinishi lazim

türkiye awazi radiyosi xewiri: birleshken döletler teshkilati  jame, chérkaw we manastir qatarliq barliq ibadetxanilarni qoghdashqa alaqidar heriket pilanini jakarlidi.

birleshken döletler teshkilati bash katipi antonio gutérrés, bu heqte élan qilghan bayanatida, anti sémitizim, musulmanlarni öch körüsh, xiristiyanlar we bashqa diiny guruppilar hem ibadetxanilar nishan qiliniwatqan hujumlarning barghanséri ewj élip kétiwatqanliqini eskertish bilen bir waqitta, heriket pilani dairiside, ibadetxanilarni qoghdash üchün birleshken döletler teshkilatining herqaysi döletlerning hökümetliri , diniy rehberliri, ammiwi teshkilatliri, axbarat wasitiliri we xususiy saheliri bilen birlikte xizmet ishlieydighanliqlirini, bu heqte teklip we tewsiyelerni sunidighanliqlirini qeyt qildi.

gutérrés amérika qoshma ishtatliri bilen iran otturisidiki sürkilish we ikki dölet rehberlirining körüshüsh éhtimalliqigha alaqidar soalgha jawab bérip, mundaq dédi: «shuni yene tekitleymenki,  paris qoltuqining weziyitini yamanlashturuwétidighan her türlük herikettin yiraq turush lazim. chünki paris qoltuqida yüz bergüsi chong bir kirizis  dunyagha pütmes - tügimes balayiapetlerni élip kélidu. bundaq bir kirizisning aldini élish nishan qilinghan  tirishchanliqlarning hemmisini chin dilimdin qollaymen.»

u, uyghur türklirige qaritilghan kishilik hoquq depsendichiliklirige alaqidar dewalar heqqidiki bir soalgha jawab bergende, mundaq dédi: «bu heqte tewsiyem shuki, uyghur türklirining diniy erkinlikige hörmet qilinishi lazim. shuning bilen bir waqitta, barliq döletlerge shuni tewsiye qilimenki, qandaq bolushidin qetiynezer,  diniy erkinliklerge  hörmet qilinishi kérek.»

süriyening idlib rayonida beshshar esed hakimiyiti bilen rusiyening doxturxanilargha hujum qilish qilmishi heqqide qachan tekshürüsh bashlinidighanliqigha alaqidar soalgha jawab bergen gutérrés, «hazirche tekshürüsh komitéti yoq, pat yéqinda élan qilinidu, belki mushu hepte élan qilinishimu mumkin» dédi.