hulusi akar nehchiwanda ötküzülgen herbiy manéwirni közetti
türkiye dölet mudapie ministiri hulusi akar nehchiwan musteqil birleshme armiye qomandanliq ishtabi yetken sewiyening kishini iptixarlanduridighanliqini éytti.
türkiye awazi radiyosi xewiri: dölet mudapie ministiri hulusi akar türkiye bilen ezerbeyjan armiyeliri birlikte ötküzgen «2019-yilliq tewrenmes qérindashliq herbiy manéwiri» ning alahide békitilgen közitish künige ishtirak qilish üchün, ezerbeyjanning nehchiwan aptonom jumhuriyitige yétip bérip, bezi muhim uchrishishlarda boldi.
u nehchiwan musteqil birleshme armiye qomandanliq ishtabida, ezerbeyjan dölet mudapie ministiri zakir hesenow teripidin herbiy murasim bilen kütüwélindi.
u qomandanliq ishtabining sherep deptirige mundaq béghishlima yazdi:
«2019-yilliq tewrenmes qérindashliq herbiy manéwiri munasiwiti bilen qilghan nehchiwan ziyaritim jeryanida, ezerbeyjan armiyesining eng xillanghan qisimliridin nehchiwan musteqil birleshme armiye qomandanliq ishtabini ékskursiye qilghanliqimdin, shundaqla bu yerde wezipe ötewatqan ezerbeyjanliq qérindashlirimiz we herbiy dostlirimiz bilen körüshkenlikimdin özemni xushalliq ichide hés qildim. weten tupraqlirini pidakarliq we qehrimanliq bilen qoghdawatqan nehchiwan musteqil birleshme armiye qomandanliqining künimizde yétip kelgen sewiyesi, hemmimizni iptixarlanduridu. ortaq medeniyet we chongqur tarixiy rishtilerge ige ikki qérindash dölet armiyelirining, bügünkige oxshash bundin kéyinmu ésil mertiwilik xelqimizning xatirjemlikige we parawanliqigha qarita kélidighan her türlük tehdit we xeterge qarshi mürini mürige tirep küresh qilip, zimmisidiki wezipilirini muweppeqiyetlik halda orunlashni dawamlashturidighanliqigha chin qelbimdin ishinimen.»
ministir hulusi akar ezerbeyjan dölet mudapie ministiri zakir hesenow bilen birlikte heyetler ara körüshüshke riyasetchilik qildi. u körüshüshtin kéyin, qomandanliq ishtabidiki telim-terbiye merkezlirini ékskursiye qilip, bu jeryanda terjimanliq qilghan eskerler bilen söhbetleshti we ishliniwatqan xizmetler toghrisida melumat aldi.
u telim-terbiye merkizidiki eskerler bilen salamlashqandin kéyin, bu yerdiki paaliyitini axirlashturup, heyder eliyéw herbiy mektipini ziyaret qildi. u sinipta herbiy oqughuchilar bilen körüshti we mektep qomandanidin telim-terbiyeler toghrisida melumat aldi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
