tataristan jumhur reisi enqerede ziyarette bolmaqta

türkiye awazi radiyosi xewiri: rusiye fédératsiyesige qarashliq tataristan aptonom jumhuriyitining jumhur reisi minnixanow muxbilargha bayanat bérip, ziyaret dairiside hem enqerede, hem istanbulda uchrishishlarda bolidighanliqini éytti. 

minnixanow ete istanbulgha ötküzülidighan türkiye – tataristan soda munbiri yighinida yéngi shériklerni tépishni ümid qildighanliqini bildürdi.

türkiyede turushluq tatarlar bilenmu bir yerge jem bolidighanliqini qeyt qilip, «türkiye kichik we ottura tiptiki karxana wekillirimizni terbiye pirogrammisidin ötküzdi. buning üchün intayin minnetdarmiz. nurghunlighan pilanimiz bar, sehiye sahsidimu yéngi layihelerge qedem tashlaymiz. netijisini birlikte körimiz» dédi. 

minnixanow türkiye soda – sanaetchilirining tataristangha nisbeten eng chong meblegh salghuchilar hésablinidighanliqini bildürüp, «bu jehette tarixizning ortaqliqigha, tilimiz we dinimizning birlikige qerzdarmiz. shunga bir - birimizni yéqindin teqib qiliwatimiz. dostluqimiz yüzligen yillardin buyan üzlüksiz dawamlishiwatidu» dédi.

minnixanow türkiyening soda – sanaetchilirini tataristanda meblegh sélishqa chaqirdi. türkiyelik meblegh salghuchilar we karxanichilarning tataristanda meblegh sélishni xalisa, özlirini hergizmu chet elliktek hés qilmaydighanliqini tekitldi.

bügün tataristanda ana til bayrimi boliwatqanliqini eskertip, «ana til bayrimimiz bizning ataqliq shairimiz abdullah toqaygha béghishlandi. shunga bu hergizmu yalghuz tatar xelqining we shairiningla ana til bayrimi emes, belki pütün türk dunyasining bayrimidur. bu munasiwet bilen türkiye xelqige abdullah toqaygha körsetken hörmet we éhtiram üchün alahide teshekkürlirimni sunimen. uning namida istanbulda bir baghcha bar. enqeredimu bir kochining ismi uninggha béghishlandi, heykili tiklendi. bularning hemmisi üchün türkiyege chongqur minnetdarliq bildürimiz» dédi.