чишлиримни чоткилаймән, чүнки...

«чүнки...» намлиқ программимизниң бу һәптилик санида, саламәтликимизгә мунасивәтлик наһайити аддий тәдбирләрниң бизни қандақ чоң хәтәрләрдин үнүмлүк қоғдайдиғанлиқи һәққидә тохтилимиз. пирограммимизни «чишлиримни чоткилаймән чүнки...» дейиш билән башлаймиз. 

**** ****** ***** ****

һәммимизгә мәлумки, бәдинимиздә һәрбири айрим иқтидарларға игә нурғун системилар мәвҗут. гәрчә уларниң вәзиписи бир-биригә охшимисиму, системиларниң мәшғулати һәргизму бир-биридин мустәқил әмәс. бир системида көрүлгән кашила қаримаққа мунасивәтсиздәк қилидиған башқа бир системиғиму хәтәр елип келиду. мәсилән, тәтқиқатта чиш гөши кесәлликлири билән йүрәк кесилиниң бағлинишлиқ болуш мумкинлики оттуриға чиқти.  

бәк әмәс, күнимиздин йүз йил илгири чиш чириш өлүмни кәлтүрүп чиқиридиған кесәлликләрниң бири һесаблинатти. гәрчә бу мәсилә давалаш вә дора санаитидики тәрәққийатлар билән түгитилгән болсиму, еғиз вә чишни асраш йәнила сағламлиқимиз билән интайин йеқин мунасивәтлик мәсилә сүпитидә алдимизда турмақта. еғиз вә чиш гөши йаллуғи бәдәндә омумий йаллуғлинишқа сәвәб болидиғанлиқи мәлум. аста характерлик йаллуғлиниш болса, йүрәк кесили, диабит кесили вә башқа системилардики тәңпуңсизлиқларға четилиду дәп қаралмақта.

******* ***** **** ********

еғиз вә чишни асраш алди билән кесәлликләрдин мудапиәлиниш үчүн даим қоллинилидиған бир йүрүш һәрикәтләрни көрситиду. буларниң ичидә күндә икки қетим үч минут чиш чоткилаш әң муһим һесаблиниду. чиш чоткилаш чиш тахтисини вә еғиздики бактерийәләрни йоқитиштики әң асаслиқ чиш асраш усули һесаблиниду.

чиш чоткилаш чиш гөшини тазилап, қан айлинишни ашуруш арқилиқ чиш гөши сағламлиқини күчәйтиду. чишимизни чоткилиғанда, еғиздики йемәклик қалдуқлири вә бактерийәләрдин қутулидиған болғачқа еғиз пурашниму йоқатқан болимиз. униңдин башқа йәнә, чоткилаш чиштики зийанлиқ кислаталарни тазилаш арқилиқ чишниң сәзгүрлишип кетишиниң алдини алиду. чишни чоткилаштин башқа, қәнтлик вә кислаталиқ йемәкликләрдин пәрһиз қилишму еғиз вә чиш сағламлиқимизға нисбәтән муһим алдини елиш тәдбирлири һесаблиниду. йилда икки қетим чиш дохтуриға көрүнүш ағриқ пәйда қилмайдиған йаки һечқандақ аламәтлири көрүлмәйдиған кесәлликләрниң алдини елишимизға йардәмчи болиду.