qorqunch

hörmetlik radiyo anglighuchilar! «chünki...» namliq sehipimizning bu heptilik sanida, selbiy menisi bilen bilinidighan bir tuyghu bolghan «qorqunch» heqqide toxtilimiz. qéni undaqta diqqitinglar sehipimizde bolsun!

**** **** ** ****

qorqunchning biologiyilik we psixologiyilik sewebliri we uning hayatimizdiki orni heqqide toxtilish bilen birge melum bir nerisidin qorqushni emes, omumen qilip qorqunch uqumini izahlap ötimiz. shunga sözimizni «qorqaymiz chünki» dep bashlaymiz.

qorqunch insanlarningla emes, bashqa janliqlarningmu hayatini qoghdash we xeterlerge taqabil turush jeryanida muhim rol oynaydighan bir inkastur. mahiyette, qorqunch xeterge yoluqqanda sergür bolushini, tézdin heriketke ötishini mumkin qilidu. qorqunch tebiiy bir mudapie méxanizmi bolup, janliqlarning xeterlik ehwallardin qutulushigha yardemchi bolidu. yeni, qorqaymiz, chünki biz hayat qélishni xalaymiz…

xeterlik peytlerde, janliqlar her xil inkaslarni qayturidu. mesilen؛ adrénalin we nordrénalingha oxshash bésim hormunining ajrap chiqishi bilen yürek soqushi tézlishidu. téximu téz soqushni bashlighan yürek bedenni oksigén we ozuqluq bilen teminleydu, bu arqiliq énérgiyeni ishlitishke bolidighan halgha keltüridu. qorqush jeryanida muskullarning jiddiylishishi téximu chaqqan heriketlerni qilishqa, terleshmu beden témpératurisini tengsheshke sharait yaritip béridu.

*** ********

qorqunch bir gurruppidiki kishilerni xeterdin agahlandurup, guruppa ichidiki hemkarliqni ashuridu. shexslerning bir yerge jem bolup, xeterlik ehwalda birlikte heriket qiliishini we guruppa sheklide mudapielinish iqtidarini ashuridu. tebiiy hayatning biologiyilik mudapiesige wekillik qilidighan bu ehwal, insanlar topigha nisbeten jismaniy we héssiyat jehette küchke ige hésablinidu. jemiyetlerning tebiiy yaki insaniy xeweplerge qarshi ittipaqliq rishtisini kücheytidu.

sözimizning axirida, biologiyelik bir hadise bolghan qorqunch heqqide söz qiliwatqanliqimizni yene bir qétim eskertip öteyli! pisxologiye we pelsepe dairisige kiridighan hemde teshwish dep atilishi kéreklik bolghan sharaitlarmu oxshash alahidilikke ige bolup, emma birning hazirqi témimizning sirtida qalidu. heddidin ziyade yaki daimliq qorqunch ehwallirining wehime qalaymiqanchiliqi qatarliq saghlamliq mesililirini keltürüp chiqiridighanliqini qoshush bilen témini mushu yerde axrilashturimiz.