тийатирға баримән, чүнки

тийатирға баримән, чүнки

чүнки (03)

 бүгүн биз тарихи 3000 йилға созулидиған бир сәнәт түри болған тийатир һәққидә тохтилимиз. йәни, аридин шунчә узун заманлар өткинигә шундақла, кино, телевизийә вә иҗтимаий таратқу қатарлиқ амилларниң шунчә омумлишишиға қаримай һазирму турмушимизда мәвҗутлуқини давамлаштуруватқан  тийатир һәққидә тохтилимиз.

***** ***** *****

«тийатирға баримән, чүнки» дегәндин кейин арқисиға тизилидиған  ениқлимилар кишигә көрә охшимаслиқи мумкин. биз буларни бир омумий рамка ичидә силәргә сунушқа тиришимиз.

тийатир алди билән охшимиған мәдәнийәтни чүшиниш вә баһалаш пурсити билән тәминләйду. охшимиған заман вә маканларда қойулған ойунлар, тамашибинларға охшимиған мәдәнийәтләрни байқаш вә чүшиниш пурсити йаритип бериду. униңдин башқа йәнә, тийатирларниң темиси, болупму йаш тамашибинлар үчүн қизиқишниң йеңи ишиклирини ачиду.

*** **** ******** *****

көрүнүшлүк, авазлиқ вә һессий амилларни тәң өзигә муҗәссәм қилған тийатир тамашибинларға шу вақиттила шу йәрдила көрүлидиған бир тәҗрибә ата қилиду. күнимиздә омумлашқан өйдә йалғуз кино йаки телевизийә тийатирлирини көрүшкә охшимиған һалда сәһнидә нәқ мәйдан тийатирлирини көрүш кишиләрни бир йәргә җәм қилидиған вә иҗтимаий еңини күчәйтидиған паалийәт һесаблиниду. тийатир көрүш җәрйанида, охшаш ишни қилған кишиләр билән өзара риштә шәкиллиниду. буму әдәбий әсәрләрни оқуғанда йаки кино көргәндә персонажлиримизға һесдашлиқ туйғумизни йуқири көтүрүштин техиму көп нәрсиләргә игә қилиду.

**** ***** ******

тийатир сәһнә лайиһәсидин кийим-кечәклиригичә, текисттин тартип артислиқ техникилириғичә нурғун иҗадий елементларни өз ичигә алиду. тийатирни көрүватқанда, бу елементларниң шәкиллиниш җәрйанини ихтийари йаки ихтийарсиз көргән тамашибинларниң өз әтрапидикиләргә болған көз қариши иҗабий шәкилдә өзгириду. истетик аңниң күчийиши инсанниң ишлиридики әстайидиллиқини ашурушқа тәсир көрситиду.

*** **** *****

гәрчә сәнәттә «чүнки» ниң йоқлуқини, сәнәтниң мәқситиниң пәқәтла өзи икәнликини тилға алидиған мутәпәккурләр болсиму, биз тийатирға беришниң пайдисиға «һечким қарши чиқмайду» дәп қараймиз. сәнәтчиләрниң әсәрлирини оттуриға қойуватқанда һечқандақ мәнпәәтни көздә тутмаслиқи, «тамашибинларму униңдин пайда алса болмайду» дегәнлик болмайду. шуңа, биз бүгүн силәргә тийатирға баридиған бир күнни тиләш билән хошлишимиз.