тиллириңларниң хилмухил болуши аллаһниң (камали қудритини көрситидиған) аламәтлиридиндур

түркийә авази радийоси: рум сүриси, 16 - 24  - айәтләр.

бизниң айәтлиримизни вә ахирәттики мулақатни инкар қилған вә йалғанға чиқарғанларға кәлсәк, улар давамлиқ азабта қалиду[16]. силәр ахшамда вә әтигәндә аллаһқа тәсбиһ ейтиңлар[17]. асманлардики, земиндики һәмдусана, кәч вә пешин вақитлиридики һәмдусананиң һәммиси аллаһқа хастур[18]. аллаһ җансиз нәрсиләрдин җанлиқ нәрсиләрни чиқириду, җанлиқ нәрсиләрдин җансиз нәрсиләрни чиқириду, өлгән земинни тирилдүриду (йәни қурғақ земинни өсүмлүкләр билән көкәртиду), силәрму мушундақ тирилдүрүлисиләр[19]. аллаһниң силәрни тупрақтин йаратқанлиқи, андин силәрниң инсан болуп земинда тарилип йүрүшүңлар аллаһниң (камали қудритини көрситидиған) аламәтлиридиндур[20]. айаллар билән унси- үлпәт елишиңлар үчүн (аллаһниң) уларни силәрниң өз типиңлардин йаратқанлиқи, араңларда (йәни әр- хотун арисида) меһр ـ муһәббәт орнатқанлиқи аллаһниң (камали қудритини көрситидиған) аламәтлиридиндур, пикир йүргүзидиған қәвм үчүн, шәк ـ шүбһисизки, буниңда нурғун ибрәтләр бар[21]. аллаһниң асманларни, земинни йаратқанлиқи, тиллириңларниң, рәңгилириңларниң хилмухил болуши аллаһниң (камали қудритини көрситидиған) аламәтлиридиндур, буниңда билимлик кишиләр үчүн һәқиқәтән нурғун аламәтләр бар[22]. силәрниң кечиси вә күндүзи ухлишиңлар, (күндүзи) аллаһниң мәрһәмитидин (ризиқ) тәләп қилип (һәрикәтлинишиңлар) аллаһниң (камали қудритини көрситидиған) аламәтлиридиндур, шәк ـ шүбһисизки, буниңда аңлайдиған қәвм үчүн нурғун ибрәтләр бар[23]. аллаһниң силәргә чақмақни қорқунч вә үмид қилип көрситиши, булуттин йамғур йағдуруп униң билән өлгән земинни тирилдүрүши аллаһниң (камали қудритини көрситидиған) аламәтлиридиндур, чүшинәләйдиған қәвм үчүн буниңда, шәк ـ шүбһисизки, нурғун ибрәтләр бар[24].