анисиниң хушал болуши, аллаһниң вәдисиниң һәқ икәнликини билиши үчүн мусани анисиға қайтурдуқ

түркийә авази радийоси: қәсәс сүриси, 6 - 13 айәтләр. уларни мисир земинида күч ـ қуввәткә игә қилмақчимиз, биз пирәвнгә, (вәзири) һаманға вә уларниң қошуниға улар (йәни бозәк қилинғанлар) дин қорқидиған нәрсини (йәни бәни исраилни мисирға һөкүмран қилишни) көрситимиз[6]. мусаниң анисиға илһам билән билдүрдуқки: «мусани емиткин, униң зийанкәшликкә учришидин қорқсаң, уни (сандуққа селип) дәрйаға (йәни нил дәрйасиға) ташлиғин, уни (һалак болармикин дәп) қорқмиғин, (униң пирақидин) қайғурмиғин, уни саңа чоқум қайтуримиз вә уни пәйғәмбәрләрдин қилимиз»[7]. пирәвнниң аилисидикиләр мусани ақивәт өзлиригә дүшмән, вә хапилиқ (ниң мәнбәси) қилиш үчүн (нил дәрйасидин) сүзүвалди. шүбһисизки, пирәвн, һаман вә уларниң қошунлири хаталашқан иди[8]. пирәвнниң айали: «(бу бала) маңа вә саңа көз нури, (йәни хушаллиқ) болсун, уни өлтүрмәңлар, бәлки у бизгә пайда йәткүзәр йаки уни оғул қиливалармиз» деди. һалбуки, улар (пирәвнниң вә униң йардәмчилириниң һалакитиниң мусаниң қолида болидиғанлиқини) уқмайтти[9]. мусаниң аниси (мусаниң пирәвнниң қолиға чүшүп қалғанлиқини аңлап) әс ـ һошини йоқатти, (униң аллаһниң балини қайтуруш вәдисигә) ишәнгүчиләрдин болуши үчүн, униң көңлини хатирҗәм қилмиған болсақ, у балини ашкарилап қойғили тас қалған иди[10]. аниси мусаниң һәмширисигә: «(хәвәрни уқуш үчүн) мусаға әгәшкин» деди. һәмшириси мусани йирақтин көрүп турди. һалбуки, улар (уни) туймайтти[11]. (өз аниси келиштин) илгири мусани сүт әмгүзгүчи айалларниң емитишидин тостуқ, мусаниң һәмшириси: «силәргә мусани обдан бақидиған бир аилини көрситип қойайму? улар мусани ихлас билән бақиду» деди[12]. анисиниң хушал болуши, қайғурмаслиқи вә аллаһниң вәдисиниң һәқ икәнликини билиши үчүн биз мусани униңға қайтурдуқ, лекин инсаларниң толиси (аллаһниң вәдисиниң һәқ икәнликини) билмәйду[13].