wirus insanlardin haywanlargha köp yuqidiken
wiruslarning haywanlardin insanlargha emes, belki insanlardin haywanlargha köp yuqidighanliqi otturigha chiqti.
türkiye awazi radiyosi xewiri: koléj london uniwérstéti (University College London) ning alimliri yershari sanliq melumat ambiridin paydilinip, wiruslarning türler arisidiki tarqilishini tetqiq qildi.
texminen 12 milyon tertiplik sanliq melumat ambiridin paydilinilghan tetqiqat netijisige qarighanda, wiruslar insanlar bilen haywanlar arisida heriket qilidighan ehwalda, körülgen weqelerning %64 de insanlar haywanlarni yuqumlanduridighanliqi bayqalghan.
tetqiqat guruppisining ezasi biolog sédrik tan (Cedric Tan): «biz haywanlargha, ularning bizge berginidin köp wirus tarqitimiz» dédi.
u wuxen wirusi (Kovid-19) insanlargha yuqqandin kéyin, intayin téz sürette tarqalghanliqini misal qilip körsetti.
u buning sewebining insanlar nopusining köp we dunyaning hemme yérige tarqalghanliqigha munasiwetlik ikenlikii bildürdi we tetqiqat guruppisining bu netijini kütmigenlikini, biraq «ötmüshke qarighanda mentiqiliq» ikenlikini qeyt qildi.
u yene, wiruslarning insanlardin haywanlargha yuqishining, nesli tügesh aldida turuwatqan nurghun haywan türliri üchün tehdit peyda qilidighanliqini tekitlidi.
mezkur tetqiaqt netijisi «tebiet ékologiyesi we tedrijiy tereqqiyat zhurnili» (Nature Ecology and Evolution) da élan qilindi.
