quyashta shiddetlik partlash yüz berdi
yer shari quyashtiki shiddetlik partlash sewebidin yéqinqi yillardin buyanqi eng küchlük géo magnit borinigha duch keldi.
türkiye awazi radiyosi xewiri: amérika döletlik okyan we atmosféra idarisi (NOAA) quyashta yüz bergen partlash toghrisida bayanat élan qildi.
bayanatta, géo magnit borinining éléktironluq üskünilerde mesile peyda qilidighanliqi we j p s (yershari orun belgilesh sistémisi) (GPS) da mesile chiqishi mumkinliki toghrisida agahlandurdi.
bu xil boran adette quyashtin yer sharigha top halda kelgen zerrichilerning atmosféragha tesir körsitishi netijiside yüz béridu we magnitliq boranni keltürüp chiqiridu.
bu qétimqi boran yer sharining 20 hessisige teng kélidighan bir qara daghdin kelgen bolup, bir nechche kün ilgiri quyashtiki partlash, yer sharigha biwasite ghayet chong zerrichiler topining éqishini keltürüp chiqarghan idi.
géo magnit borinini tetqiq qilghan alimlar bu weqedin kéyin, quyash borinining yer sharigha soqulushi mumkinlikini perez qilghan bolsimu, boranning bundaq küchlük bolidighanliqini perez qilmighan idi.
astronomlar quyashtiki partlashlarning bir qanche yil ichide tedrijiy köpiyidighanliqini we eng yuqiri chekke yétidighanliqini bildürmekte.
