tika ramizanliq yardem xizmetlirini dawamlashturmaqta
türkiye hemkarliq we kordinatsiye agéntliqi-tika ramizanliq pirogrammilir ramkisida, quddus, bosniye-gértségowina we moldowada yémek-ichmek bolaqliri tarqatti.
türkiye awazi radiyosi xewiri: tika agéntliqning ramizanliq xizmetliri toghrisida melumat élan qildi.
qeyt qilinishiche, tika bosniye-gértségowinaning trébinzhé shehiride iptar paaliyiti ötküzgen we xelq ammisigha yémek-ichmek boliqi tarqatqan.
tika bilen pelestin ijtimaiy tereqqiyat ministirliqi quddus wilayetlik idarisining hemkarliqida, quddus we etrapida yashawatqan 500 ailige kündilik turmush buyumliri hemde yémek-ichmek boliqi tarqitilghan.
melumatta bildürülishiche, moldowa paytexti kishinéwde tika teripidin teyyarlanghan yémek-ichmek bolaqliri dölet miqyasidiki 4 ming ailige tarqitip bérilidiken. buningdin bashqa yene, ramizan boyiche moldowagha qarashliq gagawuz aptonom rayoni we moldowaning ikkinchi chong shehiri bélts qatarliq sheherlerde, 2500 ailige yémek-ichmek boliqi tarqitilidiken.
