ereb birleshme xelipilikide heptilik dem élish 2 yérim künge chiqirilidu
ereb birleshme xelipilikide hepte axiridiki dem élish yéngi yil (2022) din bashlap jüme küni chüshtin kéyindin bashlinidu.
türkiye awazi radiyosi xewiri: ereb birleshme xelipilikide hepte axiridiki dem élish yéngi yil (2022) din bashlap jüme küni chüshtin kéyindin bashlinidu. buning bilen ikki künlük dem élish 2 yérim künge chiqidu.
ereb birleshme xelipiliki wam (WAM) agéntliqi heptilik dem élishning 2 yérim künge chiqirilidighanliqini xewer qildi.
xewerde bildürülishiche, hökümet yéngi xizmet tüzümide, heptilik xizmet qilish waqti 4.5 kün qilip békitilgen.
yéngi xizmet tüzümi 2022-yili 1-yanwardin tartip bashlinidighan bolup, heptilik dem élish jüme küni shu yer waqti 12:00 din yekshenbe künini öz ichige alidiken we jemiy 2.5 kün bolidiken.
xewerde yene, ereb birleshme xelipilikide jüme namizini 13 tin 15 minut ötkende oqush toghrisida qarar élinghanliqi bildürüldi.
barliq organlar boysunidighan yéngi xizmet tüzümining, ereb birleshme xelipiliki iqtisadining dunya bazarliri bilen birlishishige hesse qoshidighanliqi we idare-organlardiki xizmet ünümini yuqiri kötürüshningmu meqdet qilinghanliqi qeyt qilindi.
