fugaku dunyadiki eng téz kompyutéri boldi
yaponiyede yasalghan derijidin tashqiri fugaku kompyutéri TOP500 tizimlikide dunyadiki eng téz kompyutér bolup bahalandi.
türkiye awazi radiyosi xewiri: yaponiyede yasalghan derijidin tashqiri fugaku «Fugaku» kompyutéri sékuntigha 440 hesse tiriliyondin köp uchurni bir terep qilish süriti bilen, yene bir qétim TOP500 tizimlikide dunyadiki eng téz kompyutér bolup bahalandi.
yilda ikki qétim yéngilinidighan dunyadiki eng téz derijidin tashqiri kompyutér tallinidighan TOP500 de, yaponiyening fugaku kompyutéri birinchilik ornini qoldin bérip qoymidi.
fugaku texminen 442010 téraflop tézliki bilen eng küchlük reqibi amérika kompyutéri sammit (Summit) tin üch hesse artuq hésablash we uchurni eng téz bir terep qilish alahidiliki bilen rehberlik ornini saqlap qaldi.
éléktron magnati fujitsu qollighan fugako derijidin tashqiri kompyutéri, kobi shehiridiki rikagaku tetqiqat inistituti (RIKEN) teripidin ishlitilidu.
rikagaku tetqiqat inistitutining diréktorliridin matsuka satosi fugakuning yene bir qétim yuqiri iqtidarini namayan qilghanliqini we derijidin tashqiri kompyutérning karbonsizlishish paaliyetliride ishlitishni nishan qilghanliqlirini bildürdi.
fugaku yaponchida «bayliq choqqisi» dégen menini bildüridu.
