amazonning qurghuchisi jéf bézos soda alem ponkiti quridu

türkiye awazi radiyosi xewiri: amazonning qurghuchisi jéf bézos (Jeff Bezos) ning igidarchiliqidiki alem sayahet shirkiti blu orijin (Blue Origin) soda alem ponkiti qurush pilanini élan qildi.

shirket bashqurghuchilirining bayanatida, «orbital réf» (Orbital Reef) namliq ponkitni 10 yil ichide ishqa kirishtürüshning pilanlanghanliqi qeyt qilindi.

élan qilinghan teshwiqat matériyalida, ponkitning boshluqtiki «arilashma soda baghchisi» bolidighanliqi we 10 adem sighidighanliqi  bildürüldi.

mezkur shirket ponkitni sérra alem qatnishi we boyin shirkiti bilen hemkarliship quridu.

blu orijin 32 ming kiwadrat métir kélidighan ponkitning xéridarlarni  «mikro yer tartish küchide filim ishlesh» yaki «eng yéngi téxnika tetqiqatlirini qilish» üchün köngüldikidek orun bilen teminleydighanliqi, shundaqla bir «alem méhmanxanisi» ni öz ichige alidighanliqi eskertildi.

bu pilanni bashlash üchün ötküzülgen muxbirlarni kütüwélish yighinida, blu orijin we sérra alem qatnishining mesulliri pilanning maliyiti toghrisida uchur bermidi. biraq, bu layihe bézosning her yili 1 milyard dollar fond ajritishigha kapaletlik qilidu.

gerche xelqara alem ponkiti 2030-yili ömrini axirlashturidighan bolsimu, éghir mesililer bilen küresh qilmaqta.

rusiye mesulliri ilgiri kona üskünilerning chong weqe keltürüp chiqirishidin ensirep, alem uchquchilirining 2025-yilghiche ponkittin ayrilishi mumkinlikini éytqanidi.